سينوپتيكتەردىڭ مالىمەتىنشە, كوكتەمنىڭ ەكىنشى ايىندا ەلدە اۋا تەمپەراتۋراسى قۇبىلمالى بولادى. 2026 جىلدىڭ ءساۋىرى كوكتەمگە ءتان جىلى اۋا رايىمەن باستالادى. ايدىڭ العاشقى كۇندەرىندە كۇندىز اۋا تەمپەراتۋراسى +15…+23°C-قا دەيىن كوتەرىلەدى, ال ەلدىڭ وڭتۇستىگىندە +32°C-قا دەيىن جەتىپ, جازعا ۇقساس ىستىق بولادى. الايدا ءبىرىنشى ونكۇندىكتىڭ سوڭىنا قاراي سولتۇستىك-باتىس وڭىرلەردە سۋىق قايتا ورالادى: تۇندە اۋا تەمپەراتۋراسى -5°C-قا دەيىن تومەندەپ, كۇندىز +5…+13°C شاماسىندا بولادى. ورتالىقتا, وڭتۇستىكتە جانە وڭتۇستىك-شىعىستا ىستىق باسەڭدەپ, +15…+23°C دەڭگەيىندە ساقتالادى. شىعىس وڭىرلەردە الدىمەن كۇن جىلىپ, كەيىننەن قايتادان سالقىندايدى.
بولجامعا سايكەس, ءساۋىردىڭ ەكىنشى جارتىسىندا رەسپۋبليكادا قايتادان جىلى اۋا رايى ورنىعادى.
«سولتۇستىكتە, ورتالىقتا جانە شىعىستا اۋا تەمپەراتۋراسى +25°C-قا دەيىن جىلىنسا, وڭتۇستىك پەن باتىستا +35°C-قا دەيىن كوتەرىلەدى. دەگەنمەن قىسقا مەرزىمدى سۋىق تولقىندارى بولۋى مۇمكىن», دەلىنگەن «قازگيدرومەت» حابارلاماسىندا.
الداعى ءۇش كۇندە اۋا رايى كۇرت وزگەرەدى
سينوپتيكتەردىڭ ايتۋىنشا, ايدىڭ باسىندا باتىس جانە سولتۇستىك-باتىس وڭىرلەردە ءجيى جاڭبىر جاۋادى, كەي جەرلەردە نوسەر جاڭبىر مەن نايزاعاي كۇتىلەدى. باسقا وڭىرلەردە جاۋىن-شاشىن ايدىڭ ورتاسى مەن سوڭىنا قاراي بايقالادى.
