فوتو: سكرينشوت Google Maps
قازاقستاننىڭ سەيسميكالىق دەرەكتەر ورتالىعىنىڭ جەدەل اقپاراتىنا سايكەس, ءدۇمپۋدىڭ ەپيتسەنترى قىرعىزستان اۋماعىندا ورنالاسقان. ال قىرعىز رەسپۋبليكاسى ۇلتتىق عىلىم اكادەمياسى سەيسمولوگيا ينستيتۋتىنىڭ دەرەگىنە ساي, جەر سىلكىنىسىنىڭ وشاعى ۇزگەن قالاسىنان 3 كم قاشىقتىقتا, كۋرشاب اۋىلىنان 5 كم, قارا-سۋ قالاسىنان 30 كم جانە وش قالاسىنان 45 كم جەردە تىركەلگەن.
ءارتۇرلى ەلدى مەكەندەردە جەر سىلكىنىسىنىڭ اسەرى ارقالاي سەزىلدى. اتاپ ايتقاندا,
– ۇزگەن قالاسىندا, مىرزا-ارىق جانە كاروول اۋىلدارىندا – شامامەن 4,5 بالل;
– كۋرشاب, مىرزا-اكە, كراسنىي ماياك جانە باسقا ەلدى مەكەندەردە – 4 بالل;
– قارا-سۋ, وتۋز-ادىر, كۋربۋ-تاش, نيچكە-ساي, سالام-اليك اۋىلدارىندا – 3,5 بالل;
– وش, ماناس جانە كوك-يانگاك قالالارىندا – 3 بالل دەڭگەيىندە سەزىلگەن.
ايتا كەتەيىك, بۇعان دەيىن قازاقستاننىڭ جەتىسۋ وبلىسىندا دا جەر سىلكىنىستەرى تىركەلگەن. 31 ناۋرىز كۇنى ءبىر تاۋلىكتە ءۇش رەت جەر سىلكىنىسى بولعان. العاشقى ءدۇمپۋ تۇندە تىركەلىپ, ونىڭ ماگنيتۋداسى 4,4 بالل بولدى. ەكىنشى جەر سىلكىنىسى 11:11-دە تىركەلىپ, ونىڭ ەپيتسەنترى جاركەنت قالاسىنان 52 كم سولتۇستىك-باتىستا ورنالاسقان.
ءبىر تاۋلىكتە ەكىنشى رەت: جەتىسۋ وبلىسىندا جەر سىلكىنىسى تىركەلدى
سول كۇنى تاعى ءبىر ءدۇمپۋ 13:23-تە انىقتالعان. ونىڭ ەپيتسەنترى الماتى قالاسىنان 267 كم سولتۇستىك-شىعىستا بولعان. مامانداردىڭ ەسەپتەۋىنشە, جاركەنتتە بۇل ءدۇمپۋدىڭ ينتەنسيۆتىلىگى 2 بالل دەڭگەيىندە سەزىلگەن.
وسىلايشا, وڭىردە سەيسميكالىق بەلسەندىلىك ساقتالىپ وتىر, ال ماماندار جەر سىلكىنىسىنە قاتىستى دەرەكتەردى تۇراقتى تۇردە باقىلاپ, ناقتىلاپ كەلەدى.
