فوتو: اشىق دەرەككوز
قۇجاتقا سايكەس, باسقارۋ مودەلى اكىمشىلىك باسقارۋ مەن ستراتەگيالىق دامۋدى ءبولۋدى كوزدەيدى. بۇل ۇدەرىستە باستى ءرولدى Alatau City Authority اتقارادى – ول ۇكىمەت قۇرامىنا كىرمەيتىن, بىراق پرەمەر-مينيستر توراعالىق ەتەتىن كەڭەسكە ەسەپ بەرەتىن مەملەكەتتىك قور نىسانىنداعى ورتالىق مەملەكەتتىك ورگان. سونىمەن قاتار, ءماسليحات پەن اكىمدىك قالانىڭ كۇندەلىكتى تىرشىلىگىن قامتاماسىز ەتۋ فۋنكتسيالارىن ساقتايدى.
زاڭ «Digital by default» («اۆتوماتتى تسيفرلىق») قاعيداتىن ەنگىزىپ, قالانى جاساندى ينتەللەكت تەحنولوگيالارىن كەڭىنەن قولداناتىن تولىققاندى Smart City رەتىندە دامىتۋدى بەكىتەدى.
قاسىم-جومارت توقاەۆ: الاتاۋ قالاسى جاڭا ينۆەستيتسيالىق كەزەڭنىڭ نەگىزگى جوباسى بولۋعا ءتيىس
ءبىر بلوك قالانىڭ دەربەس قارجىلىق-سالىقتىق مودەلىن قالىپتاستىرۋعا باعىتتالعان. الاتاۋ اۋماعىندا ارنايى سالىقتىق نورمالار باسىم بولادى, سونداي-اق 2050 جىلعا دەيىن نەمەسە قارجىلىق ءوزىن-ءوزى قامتاماسىز ەتۋ دەڭگەيىنە جەتكەنگە دەيىن رەسپۋبليكالىق جانە باسقا بيۋدجەتتەردەن قاراجات الۋعا تىيىم سالىنادى. جەرگىلىكتى بيۋدجەت پەن مەملەكەتتىك قور بيۋدجەتىن بىرىكتىرەتىن شوعىرلاندىرىلعان بيۋدجەت ەنگىزىلىپ, ۇزاق مەرزىمدى دامۋ جوبالارى تولىق قارجىلاندىرىلادى.
ءماجىلىستىڭ مالىمەتىنشە, سالىقتىق جەڭىلدىكتەر جاڭا ينۆەستيتسيالىق جوبالارعا اشىقتىق پەن مىندەتتەمەلەردى جاريا تۇردە اشۋ شارتتارىمەن بەرىلەدى. سونداي-اق حالىقارالىق ستاندارتتاردى قولدانۋ, ليتسەنزيالاۋدى جەدەلدەتۋ جانە بيزنەس ءۇشىن ارنايى جاعدايلار جاساۋ مۇمكىندىگى قاراستىرىلعان يننوۆاتسيالىق رەجيم ەنگىزىلەدى.
ينۆەستيتسيالىق ساياساتتىڭ نەگىزگى قۇرالى الاتاۋدىڭ جەر قورى بولادى. جەر ۋچاسكەلەرى رەزيدەنتتەرگە ناقتى جوبالارعا ليتسەنزيالار نەمەسە شارتتار نەگىزىندە بەرىلەدى, بۇل جەردى ەكونوميكالىق اينالىمعا تارتۋعا مۇمكىندىك بەرەدى.
قالانىڭ دامۋى ۇزاق مەرزىمدى جوسپارلاۋ قۇجاتتارى نەگىزىندە جۇزەگە اسادى.
زاڭ ينۆەستيتسيالاردى قورعاۋدى, كەمسىتۋسىز ءتاسىلدى جانە ينۆەستورلارعا احقو سوتتارى مەن حالىقارالىق اربيتراج اراسىندا تاڭداۋ مۇمكىندىگىن كەپىلدىك ەتەدى. بۇل جاڭا مارتەبە الاتاۋدى يننوۆاتسيالىق دامۋدىڭ ورتالىعى جانە ينۆەستيتسيالىق تارتىمدى قالا رەتىندە قالىپتاستىرۋعا مۇمكىندىك بەرەدى.
استانا مەن الاتاۋ قالاسىنىڭ مارتەبەسى ارنايى كونستيتۋتسيالىق زاڭدارمەن بەكىتىلەدى
