فوتو: ءىىم
ناتيجەسىندە, 1 040 ادام اكىمشىلىك جاۋاپكەرشىلىككە تارتىلىپ, ونىڭ ىشىندە 132 شەتەل ازاماتى ەل اۋماعىنان شىعارىلدى. انىقتالعان قۇقىق بۇزۋشىلىقتاردىڭ باسىم بولىگى شەتەلدىكتەردىڭ ەلدە بولۋ ءتارتىبىن بۇزۋى بولدى, وسى ساناتتا 811 شەتەلدىك جاۋاپقا تارتىلدى. سونىمەن قاتار, 198 قابىلداۋشى تۇلعاعا شەتەل ازاماتتارىنىڭ زاڭدى تۇردە بولۋىن قامتاماسىز ەتپەگەنى ءۇشىن اكىمشىلىك شارا قولدانىلدى. 31 جۇمىس بەرۋشىگە شەتەلدىك جۇمىس كۇشىن تارتۋ قاعيدالارىن بۇزعانى ءۇشىن ءتيىستى شەشىمدەر قابىلداندى.
ءىس-شارا بارىسىندا زاڭسىز كوشى-قون ارناسىن ۇيىمداستىرۋ دەرەگى اشكەرەلەنىپ, اتالعان فاكت بويىنشا سوتقا دەيىنگى تەرگەپ-تەكسەرۋ باستالدى. بۇدان بولەك, مەملەكەتارالىق ىزدەۋدە جۇرگەن 2 شەتەل ازاماتى ۇستالدى.
الماتى قالاسى كوشى-قون قىزمەتى باسقارماسىنىڭ باستىعى ەركىن امانتاەۆتىڭ ايتۋىنشا, مۇنداي ءىس-شارالار كوشى-قون سالاسىنداعى ءتارتىپتى جۇيەلەۋگە جانە زاڭ بۇزۋشىلىقتاردىڭ الدىن الۋعا باعىتتالعان.
«نەگىزگى ماقسات – تەك قۇقىق بۇزۋشىلىقتاردى انىقتاۋ عانا ەمەس, ولاردىڭ الدىن الۋ. ءبىز بارلىق قاتىسۋشىلاردىڭ جاۋاپكەرشىلىگىن نازاردا ۇستايمىز: شەتەل ازاماتتارى دا, ولاردى قابىلداۋشى تۇلعالار مەن جۇمىس بەرۋشىلەر دە زاڭ تالاپتارىن ساقتاۋعا مىندەتتى. زاڭ – بارشاعا ورتاق», دەدى پوليتسيا قىزمەتكەرى.
الماتى قالاسىنىڭ پوليتسياسى قوعامدىق ءتارتىپتى ساقتاۋ, زاڭدىلىقتى قامتاماسىز ەتۋ جانە كوشى-قون زاڭناماسىنىڭ ساقتالۋىن باقىلاۋ باعىتىنداعى جۇمىستارىن الداعى ۋاقىتتا دا جۇيەلى تۇردە جالعاستىرادى.
دۋبايداعى درون شابۋىلىن ۆيدەوعا تۇسىرگەن شەتەلدىكتەر ۇستالدى
