ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆتىڭ ايتۋىنشا, 20 مەن 35 جاس ارالىعىنداعى جاستار زەينەتاقى جيناعىنان شامامەن 1 تريلليون تەڭگە قارجىنى الىپ ۇلگەرگەن. وسىعان بايلانىستى مينيسترلىك تومەنگى جەتكىلىكتىلىك شەگىن كوتەرۋدى قاجەت دەپ سانايدى. مۇنىڭ باستى ماقساتى – جيناقتاۋشى زەينەتاقى جۇيەسىن دامىتۋ. ياعني, جاستار ءوز مانسابىن باستاۋ كەزىندە ەڭ الدىمەن جيناقتارىن قالىپتاستىرۋى ءتيىس.
جاڭا ەرەجە مۇددەلى مەملەكەتتىك ورگاندارمەن كەلىسىلگەننەن كەيىن ۇكىمەت قاراۋىنا ۇسىنىلادى. ءساۋىر ايىنىڭ سوڭىندا ىسكە قوسىلۋى مۇمكىن.
ەندى ازاماتتار زەينەتاقى اكتيۆتەرىن ينتەرنەت-پلاتفورما ارقىلى باقىلاي الادى
سونىمەن قاتار, جاقىندا ەل ازاماتتارىنا ءوز جيناقتارىن بىرىڭعاي جيناقتاۋشى زەينەتاقى قورىنان (ەنپف) جەكە كومپانيالاردىڭ باسقارۋىنا تولىق اۋدارۋعا مۇمكىندىك بەرۋ جوسپارلانىپ وتىر. قازىرگى ۋاقىتتا ازاماتتارعا جيناقتارىنىڭ جارتىسىنان ارتىق ينۆەستيتسيا جاساۋعا رۇقسات جوق.
بۇل وزگەرىستەر جاستاردىڭ جيناقتاۋشى زەينەتاقى جۇيەسىندە ءوز اكتيۆتەرىن ءتيىمدى باسقارۋىنا مۇمكىندىك بەرەدى.
