باقىت قالاي ەسەپتەلەدى؟
رەيتينگ التى نەگىزگى فاكتور نەگىزىندە قۇراستىرىلادى:
− جان باسىنا شاققانداعى ىشكى جالپى ءونىم ء(جىو),
− ءومىر ءسۇرۋ ۇزاقتىعى,
− الەۋمەتتىك قولداۋ,
− تاڭداۋ ەركىندىگى,
− جومارتتىق دەڭگەيى,
− سىبايلاس جەمقورلىق دەڭگەيى.
ءاربىر تۇرعىن ءوز ءومىرىن 0-دەن 10-عا دەيىنگى شكالا بويىنشا باعالايدى. قورىتىندى ناتيجە – سوڭعى ءۇش جىلدىڭ (2022-2024) ورتاشا كورسەتكىشى.
كوش باسىندا كىمدەر تۇر؟
فينليانديا سەگىزىنشى جىل قاتارىنان ءبىرىنشى ورىندى يەلەنىپ كەلەدى. ودان كەيىن يسلانديا مەن دانيا ورنالاسقان. ال العاشقى بەستىككە كۇتپەگەن جەردەن كوستا-ريكا (4-ورىن) ەندى. بۇل ەل شۆەتسيا, نورۆەگيا جانە نيدەرلاندىنى باسىپ وزدى.
زەرتتەۋشىلەردىڭ ايتۋىنشا, لاتىن امەريكاسى ەلدەرى ەكونوميكالىق كورسەتكىشتەرىنە قاراماستان ءومىر ساپاسىن جوعارى باعالايدى. بۇل قۇبىلىس عىلىمدا «لاتىنامەريكالىق باقىت پارادوكسى» دەپ اتالادى.
يزرايل جالعاسىپ جاتقان قاقتىعىسقا قاراماستان 8-ورىندا تۇر. ال رەيتينگتىڭ سوڭعى, 147-ورنىندا اۋعانستان ورنالاسقان.
قازاقستاننىڭ ەرەكشەلىگى نەدە؟
قازاقستان سەنىم مەن ءوزارا كومەك كورسەتۋ كورسەتكىشتەرى بويىنشا جوعارى ناتيجەگە قول جەتكىزدى. بيىلعى ەسەپتە وسى فاكتورلارعا ەرەكشە ءمان بەرىلگەن.
ەلىمىز:
− جوعالعان ءامياندى كورشىگە قايتارۋ ىقتيمالدىعى بويىنشا – 30-ورىندا,
− بەيتانىس ادامعا قايتارۋ بويىنشا – 42-ورىندا.
ايتا كەتەرلىگى, فرانتسيا مەن سينگاپۋر ءىجو دەڭگەيى جوعارى بولعانىنا قاراماستان, بۇل كورسەتكىشتەر بويىنشا قازاقستاننان تومەن ناتيجە كورسەتتى.
بۇعان دەيىن قازاقستان ساتىپ الۋ قابىلەتىنىڭ پاريتەتى بويىنشا الەمدەگى ەڭ ءىرى 40 ەكونوميكانىڭ قاتارىنا ەنگەنى حابارلانعان ەدى.
