باقىتبەك قادىس ۇلىنىڭ ايتۋىنشا, 31 جانە 34 جاستاعى ۇلدارى ءوزىن بىرنەشە رەت قورقىتىپ, اقشاسىن الىپ, ءتىپتى ءبىر رەت بەتىن پىشاقپەن جاراقاتتاعان.
«ەكى ۇلىم كولىككە كۇشتەپ مىنگىزىپ, تاستاپ كەتكەن كۇنى دە بولدى. مەن ارەڭ ۇيگە جەتتىم. بۇل وقيعاعا بايلانىستى اعام ەسكەرتۋ جاساعاندا ونى دا پىشاقتادى. قۇقىق قورعاۋ ورگاندارى ولاردى ۇستاپ, 2 ايعا قاماعانمەن كىشكەنتاي بالالارى بارى ەسكەرىلىپ 1 ايدان كەيىن بوساتىپ جىبەردى», دەيدى باقىتبەك قادىس ۇلى.
ال وبلىستىق پوليتسيا باسقارماسى قارتتىڭ الەۋمەتتىك جەلىدە جاريالاعان جازباسىنان كەيىن ۇلدارىنىڭ ۇستالعانىن حابارلادى.
«ەكى ەر ادام قازىر قاماۋعا الىندى. ءىس اياسىندا سوت ولارعا ءۇش اي مەرزىمگە ارنايى مىنەز-ق ۇلىق تالاپتارىن ورىنداۋ, سونىڭ ىشىندە جابىرلەنۋشىگە جاقىنداۋعا تىيىم سالۋ تۋرالى بۇيرىق شىعاردى. بوساپ شىققاننان كەيىن دە ەكەۋى باقىلاۋعا الىنادى. جاعدايدى پوليتسيا قاداعالاپ وتىر», دەلىنگەن جەتىسۋ وبلىستىق پوليتسيا باسقارماسى تاراتقان حابارلامادا.
اكەسىن اياۋسىز ۇرعان ازامات 5 جىلعا باس بوستاندىعىنان ايىرىلدى
