سۋرەتتى تۇسىرگەن – ەرلان ومار, «EQ»
ۇلتتىق ستاتيستيكا بيۋروسىنىڭ دەرەگىنە سۇيەنسەك, وتكەن جىلدىڭ قازان-جەلتوقسان ايلارىندا جان باسىنا شاققانداعى ورتاشا اتاۋلى تابىس 374,3 مىڭ تەڭگەنى قۇراعان. بۇل 2024 جىلدىڭ سايكەس كەزەڭىمەن سالىستىرعاندا 9% جوعارى. تابىس قۇرىلىمىندا ەڭ ۇلكەن ۇلەس ەڭبەك قىزمەتىنە تيەسىلى – 280,2 مىڭ تەڭگە (+8,7%).
الايدا شىعىن كولەمى بۇدان دا جىلدام وسكەن. ورتا ەسەپپەن ءبىر وتانداسىمىز توقسانىنا 338,4 مىڭ تەڭگە جۇمساعان, بۇل وتكەن جىلمەن سالىستىرعاندا 9,4% كوپ. وسىلايشا اي سايىنعى شىعىس شامامەن 112,8 مىڭ تەڭگەگە جەتكەن.
ءداستۇرلى تۇردە تابىس دەڭگەيى بويىنشا ءىرى قالالار الدا. ەڭ جوعارى كورسەتكىشتەر استانادا – 528,4 مىڭ تەڭگە (+5%), قاراعاندىدا – 521,8 مىڭ تەڭگە (+13,9%) جانە الماتىدا – 483,5 مىڭ تەڭگە (+3,4%).
ال ەڭ تومەن تابىس تۇركىستان (235 مىڭ تەڭگە) جانە جامبىل (275,4 مىڭ تەڭگە) وبلىستارىندا تىركەلگەن. دەگەنمەن بۇل وڭىرلەردە ءوسىم قارقىنى رەسپۋبليكالىق دەڭگەيدەن جوعارى – تيىسىنشە 13,6% جانە 14,6%.
شىعىن قۇرىلىمى: ازىق-ت ۇلىك پەن نەسيە
وتباسى بيۋدجەتىنىڭ جارتىسىنان استامى, ناقتىراق ايتقاندا, ازىق-ت ۇلىككە 177,2 مىڭ تەڭگە جۇمسالعان. بۇل شىعىن ءبىر جىلدا 14,3%-عا وسكەن. باعانىڭ ايتارلىقتاي قىمباتتاۋى مىنا تاۋارلارعا تيەسىلى:
- ەت – 58,9 مىڭ تەڭگە (+23,6%);
- كوكونىس پەن جەمىس-جيدەك – 25,2 مىڭ تەڭگە (+12%);
- نان جانە جارما ونىمدەرى – 23,6 مىڭ تەڭگە (+9,7%).
ازىق-ت ۇلىككە جاتپايتىن تاۋارلارعا جۇمسالعان قاراجات 72 مىڭ تەڭگەنى قۇراعان. بۇل كورسەتكىش ايتارلىقتاي وزگەرمەگەنىمەن, اۆتوكولىك پەن جانارماي ساتىپ الۋ 8,7%-عا ازايىپ, كەرىسىنشە كيىم-كەشەككە سۇرانىس 5,4%-عا ارتقان.
اقىلى قىزمەتتەرگە كەتەتىن شىعىن 8,3%-عا ءوسىپ, 61,8 مىڭ تەڭگەگە جەتكەن. نەگىزگى ءوسىم كوممۋنالدىق قىزمەتتەر مەن بايلانىس تاريفتەرىنىڭ قىمباتتاۋىمەن بايلانىستى (+14,6%).
تۇتىنۋشىلىق نەسيە نارىعىنداعى قاۋىپ: بەرەشەك كولەمى نەگە ءوسۋى مۇمكىن؟
نەسيە جۇكتەمەسى وڭىرلەردە اركەلكى
ساراپشىلار نەسيە مەن قارىزدى وتەۋگە ەرەكشە نازار اۋداردى. ورتا ەسەپپەن قازاقستاندىقتار توقسانىنا 20,6 مىڭ تەڭگەنى وسى ماقساتقا جۇمساعان, وتكەن جىلمەن سالىستىرعان 8,4%-عا كوپ.
وڭىرلەر اراسىنداعى ايىرماشىلىق ايقىن:
- ۇلىتاۋ وبلىسىندا كورسەتكىش ەڭ جوعارى – 65,6 مىڭ تەڭگە (+17,3%);
- قاراعاندى وبلىسىندا – 43,4 مىڭ تەڭگە;
- اقمولا وبلىسىندا – 39,1 مىڭ تەڭگە.
استانادا بۇل شىعىن 38 مىڭ تەڭگە بولسا, الماتىدا نەبارى 11 مىڭ تەڭگەنى قۇراعان (–21,7%). ەڭ تومەن كورسەتكىش شىمكەنتتە تىركەلگەن – 3,2 مىڭ تەڭگە, مۇندا شىعىن كولەمى 1,6 ەسەگە ازايعان.
ال ماڭعىستاۋ وبلىسىندا كەرىسىنشە, رەكوردتىق ءوسىم بايقالدى: ءبىر جىل ىشىندە نەسيە وتەۋگە جۇمسالاتىن قاراجات 20 ەسە ارتىپ, 394 تەڭگەدەن شامامەن 8 مىڭ تەڭگەگە دەيىن جەتكەن.
