فوتو: اشىق دەرەككوز
اۆتوردىڭ ايتۋىنشا, جاھاندىق رەتتەۋدىڭ بۇرىنعى تەتىكتەرى تيىمدىلىگىن جوعالتۋدا. قاۋىپسىزدىك پەن تۇراقتىلىقتى قامتاماسىز ەتۋگە ءتيىس حالىقارالىق ينستيتۋتتار ءورشىپ تۇرعان سىن-قاتەرلەر مەن قاقتىعىستارعا توتەپ بەرە الماي وتىر.
«حالىقارالىق بيۋروكراتيا بىردە-ءبىر قاقتىعىستىڭ الدىن الا المادى, تاراپتاردى ودان ءارى قارسىلاسۋعا يتەرمەلەيتىن دارمەنسىز دەكلاراتسيالارمەن عانا شەكتەلدى», دەدى ماۋلەن اشىمباەۆ.
ماقالادا اتاپ كورسەتىلگەندەي, قازىر جاھاندىق كۇشتەر تەڭگەرىمى قايتا ءبولىنىپ, حالىقارالىق قاتىناستاردىڭ جاڭا پاراديگماسى قالىپتاسىپ جاتىر. بۇل جەردە اڭگىمە بۇرىنعى ۇستەمدىك مودەلىنەن ءتۇرلى كۇش ورتالىقتارىنىڭ ءوزارا ءىس-قيمىلى مەن باسەكەلەستىگىنە نەگىزدەلگەن كۇردەلىرەك جۇيەگە كوشۋ تۋرالى بولىپ وتىر.
بۇل ترانسفورماتسيادا گەوساياسي تەڭگەرىمنىڭ جاڭا كونفيگۋراتسياسى قالىپتاسىپ جاتقان ەۋرازيا قۇرلىعى ەرەكشە ماڭىزعا يە بولىپ وتىر. مۇنداي جاعدايدا دەربەس جانە پراگماتيكالىق سىرتقى ساياسات جۇرگىزە الاتىن مەملەكەتتەردىڭ ءرولى ارتا تۇسپەك.
ماۋلەن اشىمباەۆ: مەملەكەت باسشىسىنىڭ رەفورمالارى جالپىۇلتتىق بىرلىكتى تالاپ ەتەدى
ماقالادا قازاقستاننىڭ گەوساياسي ءوسۋى ءۇشىن قاجەتتى العىشارتتار – تابيعي رەسۋرستار, مىقتى ادام كاپيتالى جانە ستراتەگيالىق گەوگرافيالىق ورنالاسۋى ءاردايىم بولعانى ەرەكشە اتاپ وتىلەدى. الايدا, ونداعان جىلدار بويى بۇل فاكتورلار «سينەرگەتيكالىق اسەرسىز ءوز بەتىنشە جۇمىس ىستەپ كەلدى».
اۆتوردىڭ پىكىرىنشە, قاسىم-جومارت توقاەۆتىڭ اتالعان رەسۋرستاردى ءبىرتۇتاس دامۋ ستراتەگياسىنا بىرىكتىرۋگە مۇمكىندىك بەرگەن جۇيەلى شەشىمدەرى بەتبۇرىستى كەزەڭ بولدى.
«پرەزيدەنتىمىز قاسىم-جومارت كەمەل ۇلى توقاەۆتىڭ ەلدى وڭىردەگى كوشباسشى ءارى ماڭىزدى تىزبەك رەتىندە مۋلتيپلەكستىك الەمنىڭ جۇيەسىنە كىرىكتىرۋ جولىندا جاساعان جۇيەلى قادامدارى ناعىز جەتىسپەي تۇرعان ەلەمەنت نەمەسە سينەرگيانى ىسكە قوسقان كىلت بولدى», دەدى سەنات توراعاسى.
وسىلايشا, اۆتور الەمدىك ءتارتىپتىڭ ترانسفورماتسياسى جاعدايىندا پرەزيدەنت قاسىم-جومارت توقاەۆتىڭ رەفورمالارى قازاقستانعا جاڭا شىنايىلىققا بەيىمدەلىپ قانا قويماي, ەۋرازيا قۇرلىعىنداعى جاڭا كۇشتەر تەڭگەرىمىن قالىپتاستىرۋدىڭ بەلسەندى قاتىسۋشىسى بولۋعا مۇمكىندىك بەرەدى دەگەن قورىتىندى جاسايدى.
ماۋلەن اشىمباەۆ: رەفەرەندۋم – «حالىق ۇنىنە قۇلاق اساتىن مەملەكەت» تۇجىرىمداماسىنىڭ جارقىن كورىنىسى
