فوتو: egemen.kz/ەرلان ومار
پرەمەر-مينيستر ولجاس بەكتەنوۆ پرەزيدەنت جاڭا كونستيتۋتسيانىڭ قابىلدانۋىنا بايلانىستى ازاماتتار مەن مەملەكەتتىڭ قاۋىپسىزدىگىنە قاتەر توندىرمەيتىن بىرقاتار قۇقىق بۇزۋشىلىق بويىنشا راقىمشىلىق جاساۋ تۋرالى باستاما كوتەرىپ وتىرعانىن اتاپ ءوتتى.
ەلىمىزدە العاش رەت اكىمشىلىك ىستەر بويىنشا راقىمشىلىق جاسالادى
«كەشە پرەزيدەنت جاڭا كونستيتۋتسيانىڭ قابىلدانۋىنا بايلانىستى ازاماتتار مەن مەملەكەتتىڭ قاۋىپسىزدىگىنە قاتەر توندىرمەيتىن بىرقاتار قۇقىقبۇزۋشىلىق بويىنشا راقىمشىلىق جاساۋ تۋرالى باستاما كوتەردى. اكىمشىلىك ىستەر بويىنشا راقىمشىلىق تۋرالى باستاما ەل تاريحىندا العاش رەت كوتەرىلىپ وتىرعانىن اتاپ وتەمىن. ىشكى ىستەر جانە ادىلەت مينيسترلىكتەرى باس پروكۋراتۋرامەن بىرلەسىپ, ەكى اپتا ىشىندە راقىمشىلىق جاساۋ تەتىكتەرى بويىنشا ەگجەي-تەگجەيلى ۇسىنىس ەنگىزسىن», دەدى پرەمەر-مينيستر.
ال ىشكى ىستەر ءمينيسترى ەرجان سادەنوۆ راقىمشىلىق اۋىر قىلمىس جاساعان ادامدارعا قولدانىلمايتىنىن اتاپ ءوتتى.
سونىمەن قاتار قازاقستاندىقتاردىڭ ايىپپۇلدارىن ەسەپتەن شىعارۋ مۇمكىندىگى دە قاراستىرىلۋى مۇمكىن.
جەكە تۇلعالاردىڭ تولەنبەگەن ايىپپۇلدارىن تولىق نەمەسە ءىشىنارا ەسەپتەن شىعارۋ ماسەلەسىن قاراستىرۋ جوسپارلانىپ وتىر. مۇنداي تۇلعالاردىڭ ساناتتارى, ايىپپۇلداردىڭ كولەمى جانە ولاردى ەسەپتەن شىعارۋ ءتارتىبى زاڭ جوباسىن دايىنداۋ كەزىندە ۋاكىلەتتى ورگان تاراپىنان جان-جاقتى پىسىقتالماق.
ادىلەت ءمينيسترى: 5 دەربەس كونستيتۋتسيالىق زاڭدى ازىرلەۋ باستالدى
