فوتو: اشىق دەرەككوز
«قازاۆتوجول» ۇلتتىق كومپانياسى 17 ناۋرىز ساعات 09:00-دەگى جاعداي بويىنشا «رف شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قحر شەكاراسى» اۆتوجولىنىڭ 776-1153 شاقىرىم ارالىعىندا (ەكو ويل جقس – ىرعىز اۋىلى) كولىك قوزعالىسىنا ۋاقىتشا شەكتەۋ ەنگىزىلگەنىن حابارلادى.
اتالعان جولدى سول كۇنى ساعات 18:00-دە اشۋ جوسپارلانىپ وتىر.
سونداي-اق وسى وڭىردە «قوستاناي – رۋدنىي – دەنيسوۆكا – كومسومولسكوە – قارابۇتاق» اۆتوجولىنىڭ 5-234 شاقىرىم ارالىعى (قارابۇتاق اۋىلى – قوستاناي وبلىسىنىڭ شەكاراسى) دا جابىق.
جالپى, ەلىمىز بويىنشا ءدال وسى ۋاقىتتا 2 وبلىستاعى 5 رەسپۋبليكالىق اۆتوجول ۋچاسكەسىندە قوزعالىسقا شەكتەۋ قويىلعان.
قوستاناي وبلىسىندا كەلەسى باعىتتاردا قوزعالىس ۋاقىتشا توقتاتىلدى:
- «قوستاناي – رۋدنىي – دەنيسوۆكا – كومسومولسكوە – قارابۇتاق» اۆتوجولىنىڭ 234-320 شاقىرىمى (اقتوبە وبلىسىنىڭ شەكاراسى – بەستوبە اۋىلى);
- اتالعان جولدىڭ 320-501 شاقىرىمى (بەستوبە اۋىلى – رۋدنىي قالاسى);
- «قوستاناي – اۋليەكول – سۇرعان» اۆتوجولىنىڭ 8-218 شاقىرىمى (توبىل قالاسى – وكتيابرسكوە اۋىلى);
- «استانا – اتباسار – جاقسى – رۋزاەۆكا – سارىكول – قوستاناي – رف شەكاراسى» اۆتوجولىنىڭ 555-682 شاقىرىمى (توبىل قالاسى – سارىكول كەنتى).
قازىرگى ۋاقىتتا رەسپۋبليكالىق جولداردى كۇتىپ-ۇستاۋ جۇمىستارىنا 935 بىرلىك ارنايى تەحنيكا جۇمىلدىرىلعان.
جولداعى احۋالعا بايلانىستى قوسىمشا مالىمەتتى 1403 بايلانىس ورتالىعىنا حابارلاسىپ بىلۋگە بولادى.
جاڭبىر جانە تۇمان: 17 ناۋرىزدا ەلىمىزدە اۋا رايى قانداي بولادى؟
