مادەنيەت جانە ۇلتتىق سالت-ءداستۇر كۇنى – ۇلتتىڭ رۋحاني تامىرىن تەرەڭىرەك ءتۇسىنىپ, ۇمىت بولا باستاعان داستۇرلەردى قايتا جاڭعىرتۋعا ارنالعان ماڭىزدى شارا. بۇل باستاما, اسىرەسە, جاس ۇرپاقتىڭ ۇلتتىق قۇندىلىقتارعا دەگەن قۇرمەتىن ارتتىرۋعا باعىتتالعان.
بيىلعى ناۋرىز مەرەكەسىنىڭ ەرەكشەلىگى – تسيفرلىق تەحنولوگيالار مەن جاساندى ينتەللەكت قۇرالدارىنىڭ كەڭ قولدانىلۋى. بۇل باستامالار مەملەكەت باسشىسى جاريالاعان تسيفرلاندىرۋ جانە جاساندى ينتەللەكت جىلى اياسىندا جۇزەگە اسىرىلىپ جاتىر. ەلورداداعى مەرەكەلىك الاڭداردا قالا تۇرعىندارى مەن قوناقتارعا روبوتتارمەن, جاساندى ينتەللەكت مۇمكىندىكتەرىنىڭ كورسەتىلىمدەرىمەن جانە باسقا دا زاماناۋي تەحنولوگيالىق شەشىمدەرمەن جابدىقتالعان ينتەراكتيۆتى ايماقتار ۇسىنىلادى. قالا تۇرعىندارى زاماناۋي تەحنولوگيالاردىڭ ۇلتتىق داستۇرلەرمەن قالاي ۇيلەسەتىنىن كورىپ, ءارتۇرلى تسيفرلىق ءارى تانىمدىق بەلسەندىلىكتەرگە قاتىسا الادى.
16 ناۋرىز كۇنى «ناۋرىزناما» ونكۇندىگى اياسىندا مادەنيەت جانە ۇلتتىق داستۇرلەر كۇنىنە وراي ەلوردادا ءتۇرلى ءىس-شارالار وتەدى.
ساعات 17:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا «مادەنيەت كۇنى – شىنايى ءداستۇر كەڭىستىگى» اتتى مەرەكەلىك ءىس-شارا وتەدى.
ۇلتتىق اكادەميالىق كىتاپحانادا «ۇلتتىق قۇندىلىق – ۇلتتىق بولمىس» اتتى كىتاپ كورمەسى اشىلادى.
16-17 ناۋرىز كۇندەرى «جاستار» سارايىنىڭ كونتسەرت زالىندا «ناۋرىز. جارىق كۇشى» اتتى تەاترلاندىرىلعان مۋزىكالىق قويىلىم وتەدى. باستالۋ ۋاقىتتارى: 10:00, 12:00 جانە 14:00.
بۇل كۇنى مەملەكەتتىك جانە قۇرىلىمدىق مەكەمەلەر اراسىندا ءداستۇرلى «ارمىسىڭ, ءاز ناۋرىز» بايقاۋى وتەدى. «رۋحانيات» كمم «سالت-ءداستۇر – ۇلت قازىناسى» اتتى اشىق ساباق ۇيىمداستىرادى.
ساعات 19:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترى «جاس اباي» سپەكتاكلىن ۇسىنادى.
16 ناۋرىز كۇنى «Damu Mall» ساۋدا-ويىن-ساۋىق ورتالىعىندا بەلسەندى ۇزاق ءومىر ءسۇرۋ ورتالىعىنىڭ زەينەتكەرلەرى دايىنداعان ۇلتتىق قولونەر كورمەسى اشىلادى.
سەرۆيس جانە تۋريزم كوللەدجىندە مەكتەپ وقۋشىلارىنا ۇلتتىق تاعامدار دايىنداۋ بويىنشا شەبەرلىك ساباعى وتەدى. مەكتەپكە دەيىنگى ۇيىمداردا ۇلتتىق ويۋ-ورنەكپەن قىش بۇيىمدارىن جاساۋ شەبەرلىك ساباقتارى ۇيىمداستىرىلادى. №1 ونەر مەكتەبىندە «ناۋرىز – ۇلىستىڭ ۇلى كۇنى!» كونتسەرتى وتەدى. بالالار كوركەمسۋرەت مەكتەبىندە «تۋعان جەرىم» اتتى ساندىك-قولدانبالى ونەر بويىنشا XXII رەسپۋبليكالىق بايقاۋ ۇيىمداستىرىلادى. №2 ونەر مەكتەبىندە ء«داستۇرىم – اسىل قازىنام» ءىس-شاراسى وتەدى. «شاراپات» الەۋمەتتىك قىزمەت كورسەتۋ ورتالىعىندا اۋدان زەينەتكەرلەرىنىڭ ۇلتتىق ستيلدەگى قولونەر كورمەسى ۇيىمداستىرىلادى. «قامقور» ارنايى الەۋمەتتىك قىزمەت كورسەتۋ ورتالىعىندا «سالت-ءداستۇر – اسىل قازىنا» تانىمدىق ساعاتى وتەدى.
16-22 ناۋرىز ارالىعىندا ەلوردانىڭ تۇرعىن ءۇي كەشەندەرىنىڭ اۋلالارىندا ميب-تەر اراسىندا « ۇلىستىڭ ۇلى كۇنىندە...» بايقاۋى وتكىزىلەدى.
وسى كۇنى «ناۋرىز جىلۋى» اكتسياسى اياسىندا «استانا جاستارى» ەرىكتىلەرى كوممۋنالدىق قىزمەت ماماندارىنا شاي مەن باۋىرساق تاراتىپ, گۇل شوقتارىن تابىستايدى.
