فوتو: وكق
و. كوپىلوۆ قازاقستاندا جاڭا كونستيتۋتسيانى قابىلداۋ بويىنشا ءوتىپ جاتقان رەسپۋبليكالىق رەفەرەندۋمعا دايىندىق پەن داۋىس بەرۋ پروتسەسىن بايقاۋ بارىسىندا داۋىس بەرۋشىلەر ءۇشىن بارلىق جاعداي جاسالعانىن اتاپ ءوتتى. ونىڭ ايتۋىنشا, مۇگەدەكتىگى بار ادامداردىڭ داۋىس بەرۋىنە دە قاجەتتى مۇمكىندىكتەر قاراستىرىلعان.
«جالپى العاندا, الدىن الا باقىلاۋلارعا سۇيەنە وتىرىپ, قازاقستان تاراپىنان رەفەرەندۋم پروتسەسىن لايىقتى ۇيىمداستىرۋ ءۇشىن ۇلكەن جۇمىس اتقارىلعانىن ايتۋعا بولادى. ۇيىمداستىرۋشىلىق جانە تەحنيكالىق دايىندىق جوعارى كاسىبي دەڭگەيدە جۇرگىزىلگەن. سونداي-اق ازاماتتاردىڭ ەركىن تاڭداۋ قۇقىعىن تولىق قامتاماسىز ەتۋگە مۇمكىندىك بەرەتىن تەحنولوگيالىق جاڭاشىلدىقتار ەنگىزىلىپ جاتىر. ۇسىنىلىپ وتىرعان كونستيتۋتسيالىق وزگەرىستەردىڭ مازمۇنى تۋرالى كەڭ اۋديتورياعا اقپارات بەرىلگەن. بۇل پروتسەسس قوعامدا جانە ساراپشىلار اراسىنداعى تالقىلاۋلارمەن قاتار ءجۇرىپ وتىرعان. قوعامدا ۇسىنىلىپ وتىرعان كونستيتۋتسيالىق رەفورمالارعا دەگەن قىزىعۋشىلىق جوعارى ەكەنى بايقالادى. داۋىس بەرۋ ۋچاسكەلەرىندە جاقسى اتموسفەرا قالىپتاسقان. داۋىس بەرۋگە جاستار بەلسەندى قاتىسىپ جاتىر», دەدى سپيكەر.
تۇركيا جوعارعى سايلاۋ كەڭەسىنىڭ توراعاسى قازاقستاننىڭ رەفەرەندۋمعا ساپالى دايىندالعانىن اتاپ ءوتتى
ولەگ كوپىلوۆتىڭ ايتۋىنشا, بۇل ازاماتتاردىڭ قازىرگى رەفەرەندۋمعا ەرەكشە ءمان بەرەتىنىن جانە حالىقتىڭ, ەڭ الدىمەن, ءوز ەركىن ءبىلدىرۋ پروتسەسىنە دەگەن سەنىمىنىڭ جوعارى ەكەنىن كورسەتەدى.
شىۇ باقىلاۋشىلار ميسسياسى قازاقستانداعى رەفەرەندۋمنىڭ تەحنيكالىق دايىندىعىن جوعارى باعالادى
