عاسىر جاساعان اق جاۋلىقتى انا ەل تاعدىرىنا قاتىستى ماڭىزدى ساياسي ناۋقاننان قالىس قالۋدى ءجون كورمەگەنىن ايتادى.
– بالالارىمنىڭ, نەمەرەلەرىم مەن شوبەرەلەرىمنىڭ بولاشاعى ءۇشىن داۋىس بەردىم. حالقىمىز امان بولسىن, ەلىمىز تىنىش بولسىن! قازاقستانىمىز جاساي بەرسىن! بالقاشىمىز گۇلدەنە بەرسىن! ورازالارىڭىز قابىل بولسىن! كەلە جاتقان قازاقتىڭ جاڭا جىلى – ناۋرىز قۇتتى بولسىن! مەن ەندى جۇزگە تاياپ قالدىم عوي, بەرگەن باتام قابىل بولسىن! – دەپ اق باتاسىن جاۋدىردى كامپيت اجە.
ايتا كەتەيىك, كامپيت تولەندينوۆانىڭ جارى, مارقۇم جازبەك ساتىمبەك ۇلى – بالقاش قالاسىنىڭ قوعامدىق-ساياسي جانە مادەني ومىرىنە زور ۇلەس قوسقان تۇلعا. ول ۇزاق جىلدار جۋرناليستيكا سالاسىندا ەڭبەك ەتىپ, بالقاش تەلەستۋدياسىنىڭ ديرەكتورى قىزمەتىن اتقارعان. 2000 جىلى وعان «بالقاش قالاسىنىڭ قۇرمەتتى ازاماتى» اتاعى بەرىلگەن. سونداي-اق, 2010 جىلدان بەرى بالقاش قالاسىندا ءبىر كوشە جازبەك ساتىمبەك ۇلى تولەندينوۆتىڭ ەسىمىمەن اتالادى.
اقجاۋلىقتى انانىڭ ەلدىك ىسكە ءۇن قوسىپ, ءوز تاڭداۋىن جاساۋى – كەيىنگى ۇرپاققا ۇلگى, قوعامعا ونەگە.
102 جاستاعى ۇلى وتان سوعىسىنىڭ ارداگەرى رەفەرەندۋمدا داۋىس بەردى
قاراعاندى وبلىسى
بالقاش قالاسى
