جەتىسۋ اۋداندىق پوليتسيا باسقارماسىنىڭ مالىمەتىنشە, پروفيلاكتيكالىق ءىس-شارالار بارىسىندا الكوگول ونىمدەرىن وتكىزۋ تالاپتارىن بۇزۋدىڭ 45 دەرەگى انىقتالدى. اتالعان قۇقىق بۇزۋشىلىقتار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 200-بابىمەن قاراستىرىلعان.
سونىمەن قاتار تەكسەرۋ بارىسىندا ءبىر دۇكەنگە قاتىستى اكىمشىلىك حاتتاما تولتىرىلدى. ءىس ماتەريالدارىن قاراۋ ناتيجەسىندە سوت الكوگول ونىمدەرىن ساتۋ ليتسەنزياسىنىڭ قولدانىلۋىن توقتاتۋ تۋرالى شەشىم قابىلدادى. قازىرگى ۋاقىتتا اتالعان ساۋدا نىسانىنىڭ قىزمەتى توقتادى.
بۇدان بولەك تەكسەرۋ كەزىندە التى دۇكەننەن الكوگول ونىمدەرى تاركىلەندى. اتالعان فاكتىلەر بويىنشا ماتەريالدار سوتتا قارالدى.
ونلاين-كازينودان تۇسكەن تابىس تاركىلەندى: Porsche مەن Lexus مەملەكەت كىرىسىنە ءوتتى
سونداي-اق تەكسەرۋ بارىسىندا ءبىر ديسكو-باردىڭ اكىمشىلىگى دە جاۋاپكەرشىلىككە تارتىلدى. نىساننان شامامەن 400 ليتر الكوگول ءونىمى تاركىلەندى.
جالپى جۇرگىزىلگەن ءىس-شارالار اياسىندا زاڭسىز اينالىمنان 1 مىڭ 150 ليتردەن استام الكوگول ءونىمى الىندى.
