كوللاجدى جاساعان – قونىسباي شەجىمباي, «EQ»
الايدا ارقاسىن كەڭگە سالعان مال يەلەرى قىس ايلارىندا قوي-سيىرىن باقىلاۋسىز, باقتاشىسىز ەركىن جايىلىمعا جىبەرىپ قوياتىنى بار. بيىلعى قىستىڭ قارى قالىڭ ەمەس, سوندىقتان جىلقىنى تەبىنگە جىبەرۋ قوراداعى جەمشوپتىڭ ساقتالۋىنا ىڭعايلى جاعداي تۋدىرادى. ال ءوز ەركىمەن جايىلعان مال تاسجولدارعا شىعىپ كەتىپ, قاراڭعىلىق قويۋلاعاندا اۆتوكولىكتەرگە سوعىلىپ, اپاتتى جاعداي بولىپ جاتادى. مۇنداي جاعداي مال ۇرلىعىنىڭ ارتۋىنا دا تۇرتكى بولىپ تۇر. باقتاشىسىز جۇرگەن مالداردى كەڭ دالادا اتىپ الىپ, ەتىن ساتۋ ۇرىلاردىڭ ۇيرەنشىكتى داعدىسىنا اينالعان. سوندىقتان پوليتسيا باقتاشىسىز, ەركىن جىبەرىلگەن مال ءۇشىن يەلەرىنە ايىپپۇل سالۋدى قولعا الدى. وبلىستىق پد ءباسپاسوز قىزمەتىنىڭ حابارىنا قاراعاندا, بيىل قىستا 114 مال يەسى جاۋاپكەرشىلىككە تارتىلعان.
سونىمەن قاتار ەت ونىمدەرىن باقىلاۋسىز تاسىمالداۋ مەن ساتۋ دا مال ۇرلىعىنىڭ ارتۋىنا «جاعداي» جاساپ وتىر. جۇك سالعىشتاعى ەتتىڭ ۇرلانعان-ۇرلانباعانىن بىردەن انىقتاۋ قيىن. وسىنداي قىلمىستاردىڭ الدىن الۋ ماقساتىندا وبلىستا وتكەن ايدا «مال ۇرلىعى» جەدەل-پروفيلاكتيكالىق ءىس-شاراسى ۇيىمداستىرىلدى.كەشەندى جۇمىس بارىسىندا پوليتسيا قىزمەتكەرلەرى ۆەتەرينارلىق قىزمەت وكىلدەرىمەن بىرلەسىپ, مال ساتۋ جانە سويۋ ورىندارىندا تەكسەرۋ جۇرگىزىپ, كولىكتەردى توقتاتىپ, ەت ونىمدەرىنە بەرىلگەن قۇجاتتاردىڭ زاڭدىلىعىن قاداعالادى. سونىمەن قاتار شارۋاشىلىقتار, فەرمەرلىك قوجالىقتار مەن جايىلىمدىق نۇكتەلەر ەرەكشە باقىلاۋعا الىندى. وبلىستىڭ شەكارالاس اۋداندارىندا مال مەن ەت ونىمدەرىن مەملەكەتتىك شەكارا ارقىلى زاڭسىز وتكىزۋدىڭ جولىن كەسۋ ماقساتىندا كورشىلەس مەملەكەتتەردىڭ ۋاكىلەتتى ورگاندارىمەن ءوزارا ءىس-قيمىل ۇيىمداستىرىلدى.
ءتارتىپ ساقشىلارى مال يەلەرىنە ءوز مۇلكىن قورعاۋدى كۇشەيتۋ, مالدى قاراۋسىز, ەركىن جايىلىمعا جىبەرمەۋ جونىندە ۇدايى ەسكەرتىپ كەلەدى. باقىلاۋسىز قالعان ءتورت ت ۇلىك – مال ۇرلىعىنا باستايتىن نەگىزگى فاكتورلاردىڭ ءبىرى. قاڭتار ايىندا جۇرگىزىلگەن كۇندەلىكتى پروفيلاكتيكالىق جۇمىس ناتيجەسىندە وڭىردە قوي-سيىرىن ەركىن جايىلىمعا جىبەرگەن مال يەلەرى اكىمشىلىك جاۋاپكەرشىلىككە تارتىلدى.
تۇرعىندار اراسىندا ساقتىق شارالارى تۋرالى تۇسىندىرمە جۇمىسى دا بەلسەندى جۇرگىزىلدى. ءتارتىپ ساقشىلارى حالىققا جەكە اۋلالاردى نىعايتۋ بويىنشا ۇسىنىس جاساپ, مال جايۋ ەرەجەلەرىن ساقتاۋدىڭ ماڭىزدىلىعى تۋرالى ايتتى.
مال ۇرلىعىن تىيۋ – كەشەندى ءتاسىلدى قاجەت ەتەتىن شارا. كريمينالدىق پوليتسيا قىزمەتكەرلەرى باسقا جاۋاپتى ورگاندارمەن بىرلەسە وتىرىپ, قىلمىستىڭ وسى ءتۇرىن اشۋ, جولىن كەسۋ, سونىڭ ىشىندە ەتتى ساتۋ ەرەجەلەرىنىڭ ساقتالۋىن باقىلاۋ جۇمىسىن كۇشەيتە ءتۇسۋى كەرەك. ۆەتەرينارلىق قىزمەت ماماندارىنىڭ قاتىسۋىمەن بازارلاردا رەيدتەر جۇرگىزىلىپ, مال جانە ەت ونىمدەرىن تاسىمالدايتىن كولىكتەر ۇنەمى تەكسەرىلىپ وتىرسا, ۇرىنىڭ دا جولى كەسىلەدى.
سولتۇستىك قازاقستان وبلىسى
