الەكساندرا ەريكوۆنانىڭ اۋەلدەگى ماماندىعى دەفەكتولوگ. وقۋىن تامامداعان سوڭ ەرەكشە بالالارمەن جۇمىس ىستەگەن. الايدا, بالا كۇنگى ارمانى پوگون تاعىپ, اسكەري سالادا قىزمەت ەتۋ ەدى. بالا ارمان ورىندالادى. الەكساندرا زاڭگەر ماماندىعى بويىنشا ەكىنشى جوعارى ديپلوم الىپ, پوليتسياعا قىزمەتكە ورنالاسقان. ۋاقىت وتە ءتۇرلى سىناقتاردان ءوتىپ, ارنايى جاساق قۇرامىنا وتكەن. قوعامدىق تىلمەن ايتساق, سوبر.
– وسى ۋاقىتقا دەيىن كوپتەگەن كۇردەلى وپەراتسيالارعا قاتىستىم. اسىرەسە, ايەلدەردى تۇتقىنداعاندا ءبىز بارامىز. ونداي ءىس-قيمىلدار ءبىز ءۇشىن قالىپتى جاعداي. دەسە دە, قاۋىپ بار. كۇدىكتىلەردىڭ نەندەي ويى بار, بىلمەيمىز عوي. قاڭتار وقيعاسى دا ءبىز ءۇشىن ۇلكەن ساباق بولدى. پسيحولوگيالىق تا, فيزيكالىق تا جاعىنان سىنعا تۇستىك, – دەيدى پوليتسيا كاپيتانى, ارنايى جاساقتىڭ اعا ينسپەكتورى الەكساندرا سيكۋمباەۆا.
ايتا كەتەيىك, الەكساندرا سىرت كوزگە نازىك بولىپ كورىنگەنىمەن, كيكبوكستان قازاقستاننىڭ بىرنەشە دۇركىن چەمپيونى, سپورت شەبەرى. وتباسىمەن سپورتپەن اينالىسادى. تۇڭعىشى توميريس كاراتەمەن اينالىسادى. ءۇيىمىز ءۇي ەمەس, سپورت زال سياقتى دەيدى ك ۇلىپ. جۇمىستان قولى قالت ەتسە, بالالارىن ۇيىرمەلەرگە اپارادى. الەكساندرا قىزمەتتە قارۋلانىپ جۇرگەنىمەن, ۇيدە مەيىرىمدى انا, سۇيىكتى جار.
شىعىس قازاقستان وبلىسى
