ەلىمىزدىڭ ونەرپازدارى كورەرمەنگە كەڭىنەن تانىمال «كوگدا مى بىلي نا ۆوينە» ءانىن ورىندادى. شىعارما ەرلەر حورىنىڭ وزىنە ءتان قۋاتتى ءارى اسەرلى مانەرىندە شىرقالدى. ورىنداۋ بارىسىندا ساحنالىق پلاستيكا مەن بي ەلەمەنتتەرى ۇيلەسىم تاۋىپ, نومەردىڭ كوركەمدىگىن ارتتىرا ءتۇسىپ, ۇجىمنىڭ جوعارى دەڭگەيدە ەكەنىن ايقىندادى.
ونەرپازداردىڭ ونەرى ستۋديا قوناقتارى مەن كورەرمەننىڭ جىلى ىقىلاسىنا بولەندى. قازاقستاندىق ارتىستەردىڭ شىعارماشىلىعىن رەسەيلىك انشىلەر مەن باعدارلاما قاتىسۋشىلارى جوعارى باعالادى. ولاردىڭ قاتارىندا بەلگىلى ەسترادا ءانشىسى دميتري ماليكوۆ تا بولدى.
ۇلتتىق ۇلان قىزمەتكەرلەرى قالا تۇرعىندارىن مەرەكەمەن قۇتتىقتادى
مۋزىكالىق نومەردەن بولەك, ۇلاندىقتار ستۋدياعا قازاقستاننان ارنايى سىي-سياپاتتار دا الا كەلدى. باعدارلامادا قىزىقتى جاعداي بولدى. داستارقانداعى تۇزدالعان قيار سالىنعان بانكانى ستۋديا قوناقتارىنىڭ ەشقايسىسى اشا المادى. بۇل مىندەتتى ستۋديادا ۇلتتىق ۇلان ەرلەر حورىنىڭ ءسوليسى ورىنداپ, كورەرمەننىڭ زور قوشەمەتىنە يە بولدى.
ايتا كەتۋ كەرەك, بيىل ۇلتتىق ۇلاننىڭ ەرلەر حورى قۇرىلعانىنا 10 جىل تولىپ وتىر. وسى ۋاقىت ىشىندە شىعارماشىلىق ۇجىم اسكەري مادەنيەتتىڭ جارقىن وكىلدەرىنىڭ بىرىنە اينالىپ, ءتۇرلى ساحنالاردا قازاق ونەرىن لايىقتى دەڭگەيدە تانىتىپ كەلەدى.
«بۇل ءسوزدى بۇرىن ايتپاپپىن»: ۇلتتىق ۇلان ساربازدارى انالارىن مەرەكەمەن قۇتتىقتادى
مەرەيتويعا وراي شىعارماشىلىق ۇجىم ۇزدىك شىعارمالارىنان تۇراتىن ۇلكەن مەرەكەلىك كونتسەرت ازىرلەپ جاتىر.
بۇعان دەيىن ۇلتتىق ۇلاننىڭ ەرلەر حورى رەسەيلىك «نۋ-كا, ۆسە ۆمەستە!» ۆوكالدىق شوۋىندا تانىمال بولعان ەدى. ونەرپازدار Linkin Park توبىنىڭ الەمگە ايگىلى Numb ءانىن دومبىرانىڭ سۇيەمەلدەۋىمەن ەرەكشە ينتەرپرەتاتسيادا ورىنداپ, قازىلار القاسى مەن كورەرمەننىڭ ۇلكەن قىزىعۋشىلىعىن تۋدىرعان بولاتىن.
