1936 جىلى مəسكەۋدە وتكەن قازاق كوركەمونەرىنىڭ ونكۇندىگىنە قاتىسىپ, كالينيننىڭ قولىنان وردەن الىپ كەلگەننەن كەيىن قازاقستان ۇكىمەتى جامبىلعا ايرىقشا كوڭىل بولە باستادى. اقىنعا ارناپ اۋىلىنان ۇلكەن ءۇي سالىپ بەردى. جاڭا ۇيىنە كوشكەن سوڭ, 1938 جىلى جىرشىعا گاز-م1 ءاۆتوموبيلىن سىيعا تارتتى. سونىمەن قاتار كولىك جۇرگىزۋشىسى دە بەكىتتى.
كەڭەس زامانىندا م1, ياعني «ەمكا» اتاقتى اۆتوكولىكتىڭ ءبىرى سانالدى. بۇل كولىككە كەز كەلگەن ادامنىڭ قولى جەتپەيتىن. اۆتوكولىك گوركوۆ اۆتوزاۋىتىندا دايىنالدى. البەتتە, ول كەزدە م1 كولىگىنىڭ ءتۇسى نەگىزىنەن قارا بولدى. الايدا كەيبىر سالا ادامدارىنا ءارتۇرلى تۇستەگى «ەمكا» بەرىلدى. ماسەلەن, دارىگەرلەر مىنگەن كولىكتىڭ ءتۇسى اق بولسا, اسكەريلەر جاسىل تۇستىسىنە ءمىندى. ال مادەنيەت قايراتكەرلەرى نەگىزىنەن كوك ءتۇستى كولىكتى تىزگىندەدى. سول سەبەپتى جامبىل دا كوك ءتۇستى «ەمكاعا» ءمىندى. وسىلايشا اۆتوكولىكتىڭ ءتۇسى ارقىلى ىشىندە قانداي سالانىڭ ادامى وتىرعانىن وڭاي بىلۋگە بولاتىن.
جامبىل ءوز اۆتوكولىگىن سيرەك قولداندى. اتقا ءمىنىپ ۇيرەنگەن اقىن كولىككە مىنگەندى اسا ۇناتا قويمادى. دەگەنمەن جيىن-تويلارعا بارعاندا وسى كولىگىمەن قاتىناعانى جايلى دەرەكتەر بار. قازىرگى ۋاقىتتا بۇل كولىك اقىننىڭ بۇرىنعى ءۇيى – قازىرگى جامبىلدىڭ مۋزەي-ۇيىنە قاراستى گاراجدا ساقتاۋلى تۇر.
