ادەتتە جاساندى ينتەللەكت جاۋاپتى بىرتىندەپ قۇراستىرادى. ال «Mercury 2» اۋەلى ءماتىننىڭ نوبايىن كەلتىرىپ, كەيىن بىرنەشە رەت وڭدەپ, جاقسارتىپ شىعادى. بۇل ءادىس سۋرەت پەن ۆيدەو جاسايتىن نەيروجەلىلەردىڭ جۇمىس پرينتسيپىنە ۇقسايدى. وسىنداي ءتاسىلدىڭ ارقاسىندا جاڭا مودەل وتە جىلدام جۇمىس ىستەيدى. جۇيە سەكۋندىنا 1000 توكەننەن استام ءماتىن جازا الادى, ياعني قازىرگى كوپتەگەن باعدارلامالاردان شامامەن بەس ەسە جىلدام. جىلدامدىق ارتقانىمەن, جاۋاپ ساپاسى تومەندەمەگەن.
ازىرلەۋشىلەردىڭ ايتۋىنشا, ونىڭ ناتيجەلەرى «Claude 4.5», «Haiku» جانە «GPT-5.2» Mini سەكىلدى زاماناۋي مودەلدەردىڭ دەڭگەيىمەن شامالاس. ماماندار بۇل جاڭالىقتى جاساندى ينتەللەكت تەحنولوگياسىنىڭ جاڭا كەزەڭى دەپ باعالاپ وتىر. ەگەر ديففۋزيالىق ارحيتەكتۋرا كەڭ قولدانىسقا ەنسە, بولاشاقتا جاساندى ينتەللەكت جاۋاپتى ۇزاق «ويلانىپ» جازباي, بىردەن قۇراستىرىپ, تەز وڭدەپ شىعاراتىن جۇيەگە اينالۋى مۇمكىن.
