ماۋلەن اشىمباەۆ ءوز سوزىندە كونستيتۋتسيالىق رەفورما مەملەكەت باسشىسىنىڭ باستاماسىمەن جۇزەگە اسىرىلىپ جاتقان اۋقىمدى وزگەرىستەردىڭ دايەكتى جالعاسى ەكەنىن ايتىپ, وسى باعىتتاعى ماڭىزدى مىندەتتەرگە توقتالدى. ول بۇل ىرگەلى جاڭعىرتۋ ادىلەتتىلىك, زاڭ ۇستەمدىگى جانە بيلىكتىڭ قوعام الدىنداعى جاۋاپكەرشىلىگى سياقتى قاعيداتتارعا نەگىزدەلگەنىن اتاپ ءوتتى.
«پرەزيدەنت قاسىم-جومارت توقاەۆتىڭ جارلىعىمەن 15 ناۋرىزدا جاڭا كونستيتۋتسياعا بايلانىستى رەسپۋبليكالىق رەفەرەندۋم وتەدى. كونستيتۋتسيالىق رەفورمانىڭ ءمانى كۇشتى پارلامەنتى بار پرەزيدەنتتىك رەسپۋبليكاعا كوشۋ, ازاماتتاردىڭ قۇقىقتارىن قامتاماسىز ەتۋ جۇيەسىن نىعايتۋ جانە ساياسي جۇيەنى دەموكراتيالاندىرۋ ەكەنىن اتاپ وتكەن ءجون. جاڭا اتا زاڭ – ادىلەتتى قازاقستان يدەياسىن ىسكە اسىرۋعا, ءتيىمدى مەملەكەتتىك جۇيە قۇرۋعا جانە ۇزاقمەرزىمدى تۇراقتىلىقتى قامتاماسىز ەتۋگە قاجەتتى قۇقىقتىق نەگىز قالىپتاستىراتىن تاريحي قۇجات», دەدى م.اشىمباەۆ.
سۇحبات كەزىندە اتالىپ وتكەندەي, جاڭا كونستيتۋتسيا جوباسى ادىلەتتى قازاقستان يدەياسىن تولىق ىسكە اسىرۋدىڭ قۇقىقتىق نەگىزىن بەكىتە تۇسەدى. سونداي-اق ماڭىزدى تۇجىرىمدامالىق وزگەرىستەردىڭ تاعى ءبىرى ادام قۇقىقتارى مەن بوستاندىقتارى مەملەكەتتىڭ ەڭ جوعارى قۇندىلىعى رەتىندە ايقىندالعانىن ايتا كەتكەن ابزال.
ءوز كەزەگىندە ەو وكىلدىگىنىڭ باسشىسى ءبىزدىڭ مەملەكەتتە جۇرگىزىلىپ جاتقان كونستيتۋتسيالىق رەفورمالارعا حالىقارالىق قوعامداستىق تاراپىنان ەرەكشە قىزىعۋشىلىق بايقالاتىنىن جانە قازاقستان مەن ەو اراسىنداعى ىنتىماقتاستىقتى ودان ءارى نىعايتۋعا مۇددەلى ەكەنىن جەتكىزدى.
وسىعان بايلانىستى سەنات توراعاسى قازاقستان مەن ەو-نىڭ ءوزارا سەنىمگە نەگىزدەلگەن سەرىكتەستىگىنە نازار اۋدارىپ, بۇل رەتتە ەكىجاقتى ديالوگتىڭ بەلسەندى ديناميكاسى ماڭىزعا يە ەكەنىن ايتتى. ماۋلەن اشىمباەۆ ەۋروپالىق كەڭەس پرەزيدەنتى انتونيۋ كوشتانىڭ قازاقستان مەن ەۋروپا وداعى اراسىنداعى سەرىكتەستىكتى نىعايتۋعا قوسقان ۇلەسىن تىلگە تيەك ەتە كەلە, ونى ەل پرەزيدەنتى قاسىم-جومارت توقاەۆ بىلتىر جەلتوقساندا I دارەجەلى «دوستىق» وردەنىمەن ماراپاتتاعانىن اتاپ ءوتتى.
سەنات توراعاسى پارلامەنتارالىق بايلانىستاردى ساپالى جاڭا دەڭگەيگە كوتەرۋ قازاقستان-ەۋروپا ىنتىماقتاستىعىن نىعايتۋ جولىنداعى ماڭىزدى قادامداردىڭ ءبىرى ەكەنىنە دە نازار اۋداردى.
كەزدەسۋ بارىسىندا ساۋدا-ەكونوميكالىق بايلانىستاردى كەڭەيتۋ, كولىك-لوگيستيكا, ەكولوگيالىق تازا ەنەرگەتيكا, تسيفرلىق تەحنولوگيالار, سۋ رەسۋرستارىن باسقارۋ, ءبىلىم جانە عىلىم سالالارىنداعى ىنتىماقتاستىقتى نىعايتۋ ماسەلەلەرى دە تالقىلاندى.
