مەملەكەتتىك كىرىستەر كوميتەتى سالىق تولەۋشىلەرگە ماڭىزدى ەسكەرتۋ جاريالادى

جاڭا كابينەت 

جاڭا كابينەتتە مىناداي سالىق ەسەپتىلىگى نىساندارىنىڭ جاڭارتىلعان ۇلگىلەرى ورنالاستىرىلعان:

• جەكە تابىس سالىعى جانە الەۋمەتتىك سالىق بويىنشا دەكلاراتسيا (200.00 سەن);

• اكتسيز بويىنشا دەكلاراتسيا (910.00 سەن);

• ويىن بيزنەسى سالىعى جانە تىركەلگەن سالىق بويىنشا دەكلاراتسيا (710.00 سەن).

اتالعان نىساندار سالىق تولەۋشىلەردىڭ مىندەتتەمەلەرىن ناقتى ءارى ۋاقتىلى ورىنداۋىنا مۇمكىندىك بەرەدى.

ءسايج سالىق تولەۋشىنىڭ جاڭا كابينەتىنە knp.kgd.gov.kz سىلتەمەسى ارقىلى كىرۋگە بولادى. كوميتەت وكىلدەرى بارلىق سالىق تولەۋشىلەردى ەسەپتىلىكتى تاپسىرۋ كەزىندە جاڭا نۇسقالاردى پايدالانۋعا شاقىرادى.

ماڭىزدىسى – سالىق تولەۋشىنىڭ ەسكى كابينەتىندە جانە سەوس اقپاراتتىق جۇيەسىندە 2026 جىلعا ارنالعان سالىق ەسەپتىلىگى نىساندارىنىڭ جاڭا نۇسقالارى قولجەتىمدى ەمەس. سوندىقتان دەكلاراتسيالاردى تاپسىرۋ بارىسىندا جاڭارتىلعان جۇيەنى پايدالانۋ قاجەت.

«وتباسى بانك» استاناداعى ەڭ ۇزدىك سالىق تولەۋشى اتاندى

قۇرىلىمدىق بولىمشەلەر

مەملەكەتتىك كىرىستەر كوميتەتى دەربەس سالىق تولەمەيتىن قۇرىلىمدىق بولىمشەلەرگە قاتىستى دا ناقتى تۇسىندىرمە بەردى. ەگەر ۇيىمنىڭ مۇنداي بولىمشەلەرى بولسا, جەكە 200.03 سەن قۇجاتىن ۇسىنۋ تالاپ ەتىلمەيدى. ەسەپتەلگەن سومالار باس ۇيىم تاپسىراتىن 200.00 سەن دەكلاراتسياسىنىڭ 200.03 قوسىمشاسى ارقىلى ءتيىستى بولىمشەلەردىڭ جەكە شوتتارىندا كورسەتىلەدى.

سالىق ەسەپتىلىگى نىساندارى جانە ولاردى تولتىرۋ جونىندەگى تۇسىنىكتەمەلەر قازاقستان رەسپۋبليكاسى قارجى ءمينيسترىنىڭ 2025 جىلعى 12 قاراشاداعى №695 بۇيرىعىمەن بەكىتىلگەن. بۇل قۇجات «ەسەپتىلىكتى جاساۋ بويىنشا تۇسىنىك بەرىلگەن سالىقتىق ەسەپتىلىكتىڭ نىساندارىن جانە ولاردى ۇسىنۋ قاعيدالارىن بەكىتۋ تۋرالى» بۇيرىق اياسىندا قابىلدانعان.

سۇراقتار تۋىنداعان جاعدايدا سالىق تولەۋشىلەر knpsd@ecc.kz ەلەكتروندى پوشتاسى ارقىلى قولداۋ قىزمەتىنە جۇگىنە الادى.

جاڭارتىلعان جۇيە سالىقتىق اكىمشىلەندىرۋدى تسيفرلاندىرۋدى تەرەڭدەتىپ, ەسەپتىلىك ۇدەرىسىن اشىق ءارى ءتيىمدى ەتۋدى كوزدەيدى.

سالىق تولەۋشى «تسيفرلىق بيۋدجەت» ارقىلى ءوز اۋدارىمىن كورە الادى