فوتو: مەديتسينالىق جانە فارماتسەۆتيكالىق باقىلاۋ كوميتەتى
مونيتورينگ كورسەتكىشى: قانداي دارىلەردىڭ باعاسى ايتارلىقتاي ءتۇستى؟
دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتىنىڭ مالىمەتىنشە, بيىل دارىلىك زاتتاردىڭ باعاسىن مەملەكەتتىك رەتتەۋدىڭ جاڭا مودەلى ىسكە قوسىلدى. بۇل تەتىك باعا قالىپتاستىرۋ ۇدەرىسىنىڭ اشىقتىعىن, وبەكتيۆتىلىگىن جانە بولجامدىلىعىن ارتتىرۋعا باعىتتالعان.
قازىرگى ۋاقىتتا 4994 ساۋدا اتاۋىنداعى دارىلىك زاتقا شەكتى باعا بەكىتىلگەن. ال 1707 رەتسەپتىسىز بوساتىلاتىن پرەپارات مەملەكەتتىك رەتتەۋدەن شىعارىلىپ, نارىقتىق باعامەن ساتىلىپ جاتىر. دەگەنمەن ولاردىڭ قۇنى ۋاكىلەتتى ورگانداردىڭ تۇراقتى باقىلاۋىندا تۇر.
ەلىمىزدىڭ 20 وڭىرىندە جۇرگىزىلگەن تالداۋ ناتيجەسى باعا سەرپىنىنىڭ تومەندەۋ باعىتىنا ويىسقانىن اڭعارتادى. قىركۇيەك ايىندا ماۋسىممەن سالىستىرعاندا پوزيتسيالاردىڭ 34%-ىندا باعا ورتا ەسەپپەن 7,8%-عا تومەندەcە, قازان ايىندا پوزيتسيالاردىڭ 50%-ىندا باعا ورتا ەسەپپەن 11,1 %عا ارزانداعان.
بۇل – مەملەكەتتىك رەتتەۋ تەتىگىنىڭ ناقتى ناتيجەسى بار ەكەنىن كورسەتەتىن كورسەتكىش.
ەندى ازاماتتار ءدارى-دارمەك باعاسىن Naqty Onim ارقىلى تەكسەرە الادى
مونيتورينگ بارىسىندا بىرقاتار كەڭىنەن قولدانىلاتىن پرەپاراتتاردىڭ باعاسى ەداۋىر تومەندەگەنى انىقتالدى. اتاپ ايتقاندا:
- گەپار كومپ. حەەل – 41,2%-عا;
- رەۆموكسيكام® – 32,5%-عا;
- تسەفياپس – 31,6%-عا;
- ۆالماك-ن – 24,7%-عا;
- زيتماك® – 20%-عا.
اتالعان دارىلەر ءتۇرلى اۋرۋلاردى ەمدەۋدە ءجيى تاعايىندالادى جانە حالىق سۇرانىسىنا يە.
ەلىمىزدە ءدارى-دارمەك باعاسى قىمباتتادى جانە تاپشىلىق بايقالۋدا: سەبەبى نەدە؟
زاڭ تالاپتارى قاتاڭ ساقتالادى
كوميتەت بارلىق وڭىردە دارىلىك زاتتار باعاسىنا تۇراقتى مونيتورينگ جۇرگىزۋدى جالعاستىرىپ وتىر. شەكتى باعادان اسىرا ساتۋ فاكتىلەرى انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 426-بابىنا سايكەس جاۋاپكەرشىلىك قاراستىرىلعان.
باعانى نەگىزسىز كوتەرۋ نەمەسە ءدارى-دارمەك ساتۋ كەزىندە زاڭبۇزۋشىلىقتارعا تاپ بولعان ازاماتتار DariKZ ءموبيلدى قوسىمشاسى ارقىلى نەمەسە مەديتسينالىق جانە فارماتسەۆتيكالىق باقىلاۋ كوميتەتىنىڭ وڭىرلىك دەپارتامەنتتەرىنە جۇگىنىپ, شاعىم قالدىرا الادى. بارلىق وتىنىشتەر زاڭناما تالاپتارىنا ساي قارالادى.
قۇزىرلى ورگان تۇرعىنداردى تەك رەسمي اقپارات كوزدەرىنە سۇيەنىپ, تەكسەرىلگەن دەرەكتەرگە عانا سەنۋگە شاقىرادى.
