فوتو: istockphoto.com
ونىڭ ايتۋىنشا, ەلدە ەلەكتر ەنەرگياسىن ءوندىرۋدىڭ بارلىق باعىتتارى قارقىندى دامىپ كەلەدى. سونىڭ ناتيجەسىندە 2027 جىلدىڭ قورىتىندىسى بويىنشا قازاقستان شەتەلدەن ەلەكتر ەنەرگياسىن ساتىپ الۋدان ءىس جۇزىندە باس تارتپاق. سونىمەن قاتار, الداعى ونجىلدىقتىڭ ورتاسىنا قاراي كورشى ورتالىق ازيا ەلدەرىنە ارتىق ەلەكتر قۋاتىن ەكسپورتتاۋ مۇمكىندىگى ساقتالادى.
«گەنەراتسيانىڭ بارلىق ءتۇرىن دامىتۋ ەسەبىنەن 2027 جىلدىڭ سوڭىنا تامان يمپورتتان ءىس جۇزىندە تولىقتاي باس تارتۋدى كوزدەپ وتىرمىز. دەگەنمەن, ءبىز ورتالىق ازيا ەلدەرىمەن قاتار جۇمىس ىستەيمىز: قاجەت بولعان جاعدايدا ءبىر-بىرىمىزگە قولداۋ كورسەتەمىز – كەيدە ءبىز الامىز, كەيدە ءوزىمىز ەكسپورتتايمىز», دەدى س. ەسىمحانوۆ.
قازىرگى تاڭدا قازاقستان تۇتىناتىن ەلەكتر ەنەرگياسىنىڭ شامامەن 2 پايىزىن يمپورتتايدى. سونىمەن بىرگە ەل قىرعىزستانعا ەلەكتر قۋاتىن ەكسپورتتاپ, ونىڭ وڭتۇستىك وڭىرلەرىن سۋمەن قامتاماسىز ەتۋگە ىقپال ەتىپ وتىر. ۆيتسە-مينيستر بۇل ۇدەرىستەر ىشكى گەنەراتسيانى ۇلعايتۋمەن قاتار جالعاسا بەرەتىنىن اتاپ ءوتتى.
ەكىباستۇز گرەس-3 ستانتسياسى سالىنادى: ەلدىڭ ەلەكتر ەنەرگيا ءوندىرىسى ۇلعايادى
ۇكىمەتتىڭ ستراتەگيالىق ماقساتى – تەك يمپورتتى ازايتۋ ەمەس, سونىمەن بىرگە ۇلتتىق ەنەرگەتيكالىق جۇيەنىڭ تۇراقتىلىعى مەن دەربەستىگىن كۇشەيتۋ. جوسپار ءساتتى جۇزەگە اسسا, قازاقستان وڭىردەگى ەلەكتر ەنەرگياسىنا تولىقتاي ءوزىن-ءوزى قامتاماسىز ەتە الاتىن ساناۋلى ەلدەردىڭ بىرىنە اينالماق.
ساراپشىلاردىڭ پىكىرىنشە, جاھاندىق ەكونوميكالىق جانە گەوساياسي تۇراقسىزدىق جاعدايىندا ەنەرگەتيكالىق تاۋەلسىزدىك ماسەلەسى ايرىقشا ماڭىزعا يە. سوندىقتان ءتۇرلى گەنەراتسيا كوزدەرىن دامىتۋ ەلدىڭ يمپورتقا تاۋەلدىلىگىن تومەندەتىپ قانا قويماي, وڭىرلىك ىنتىماقتاستىقتى نىعايتۋدىڭ دا ءتيىمدى قۇرالىنا اينالۋى مۇمكىن.
ۆيتسە-ءمينيستردىڭ ايتۋىنشا, 2027 جىلعا قاراي قازاقستان ىشكى قاجەتتىلىكتى تولىق وتەۋگە قاۋقارلى بولادى ءارى قاجەت جاعدايدا ورتالىق ازياداعى سەرىكتەستەرىنە قولداۋ كورسەتۋ مۇمكىندىگىن ساقتاپ قالادى. بۇل اۆتونوميا مەن ءوزارا كومەكتىڭ ۇيلەسىمى ەلدىڭ ەنەرگەتيكالىق ساياساتىنداعى ستراتەگيالىق باعىتتى ايقىندايدى.
ەنەرگيا تاپشىلىعىنان قالاي قۇتىلامىز؟ مينيسترلىك ۇلتتىق جوسپاردىڭ جوباسىن تانىستىردى
