Uchet.kz مالىمەتىنشە, تەكسەرۋ جۇرگىزۋ نەگىزدەرى بىرىكتىرىلىپ, قىسقارتىلدى. تەكسەرۋ مەرزىمىن ۇزارتۋ كەزەڭى دە قىسقاردى: قۇرىلىمدىق بولىمشەلەرى جوق زاڭدى تۇلعالار مەن جەكە كاسىپكەرلەر ءۇشىن – 10 جۇمىس كۇنىنە دەيىن, ال قۇرىلىمدىق بولىمشەلەرى بار زاڭدى تۇلعالار ءۇشىن – 20 جۇمىس كۇنىنە دەيىن.
سالىقتىق تەكسەرۋ اياقتالعانعا دەيىن تالاپ قويۋ مەرزىمىن ۇزارتۋ ءتارتىبى ناقتى رەگلامەنتتەلدى. تەكسەرۋ قۇجاتتارىن, نۇسقامادان باسقا, ۆەب-پورتال ارقىلى ەلەكتروندى تۇردە تابىستاۋ قاراستىرىلعان. سونىمەن بىرگە سالىق تولەۋشى نۇسقاماعا شاعىم تۇسىرگەن كەزەڭدە تەكسەرۋدى توقتاتا تۇرۋ نورماسى الىنىپ تاستالدى.
بۇدان بولەك, سالىق جۇكتەمەسى كوەففيتسيەنتى ءتيىستى قىزمەت ءتۇرى جانە ءوڭىر بويىنشا بەلگىلەنگەن جوعارعى كورسەتكىشتىڭ كەمىندە 90 پايىزىنا تەڭ نەمەسە ودان جوعارى سالىق تولەۋشىلەرگە قاتىستى كەشەندى سالىقتىق تەكسەرۋلەر جۇرگىزۋ قۇقىعى شەكتەلدى.
بۇل شەكتەۋلەر مىنا جاعدايلاردا قولدانىلمايدى:
– سالىق تولەۋشىنىڭ ءوزى ءوتىنىش جاساعان كەزدە;
– قازاقستان رەسپۋبليكاسىنىڭ قىلمىستىق-پروتسەستىك كودەكسىندە كوزدەلگەن نەگىزدەر بولعان جاعدايدا;
– پروكۋراتۋرا ورگاندارىنىڭ تالاپتارى بويىنشا.
سونداي-اق ميكرو جانە شاعىن كاسىپكەرلىك سۋبەكتىلەرىنە تەكسەرۋ جۇرگىزۋ بارىسىندا قۇجاتتاردى ۇسىنۋ تۋرالى تالاپتى ەكى رەتتەن ارتىق تاپسىرۋعا شەكتەۋ قويىلدى. قۇجاتتاردى ۇسىنۋ تالابىنىڭ ورىندالۋ مەرزىمى 10 جۇمىس كۇنىنە دەيىن قىسقارتىلدى.
جاڭا وزگەرىستەر سالىقتىق اكىمشىلەندىرۋدى جەتىلدىرۋگە جانە بيزنەستى نەگىزسىز اكىمشىلىك جۇكتەمەدەن قورعاۋعا باعىتتالعان.
شىمكەنتتە كرەاتيۆتى يندۋستريادان تۇسكەن سالىق كولەمى 500 ملن تەڭگەگە ارتتى
