ورتاشا دەڭگەيدەگى قاۋىپ قوستاناي, باتىس قازاقستان, اقتوبە, پاۆلودار, تۇركىستان, الماتى وبلىستارى مەن جەتىسۋ جانە ۇلىتاۋ وڭىرلەرىندە تىركەلگەن. ال ەڭ تومەن قاۋىپ اتىراۋ, ماڭعىستاۋ, قىزىلوردا جانە جامبىل وبلىستارىندا بايقالادى. بۇل بولجامداردى «قازگيدرومەت» رمك جاريالدى.
توتەنشە جاعدايلار مينيسترلىگىندە بۇل بولجامدار جۇمىسقا الىنعانىمەن, ەلدەگى سۋ تاسقىنىنا قارسى دايىندىق شارالارى جاز-كۇز كەزەڭىنەن باستاپ جۇرگىزىلىپ كەلەدى.
مينيسترلىكتىڭ حابارلاۋىنشا, قورعاۋ بوگەتتەرىن نىعايتۋ, سۋ وتكىزگىش قۇبىرلاردى ورناتۋ جانە وزەن ارنالارىن تازالاۋ جۇمىستارى تولىق كولەمدە جالعاسىپ جاتىر.
سۋ تاسقىنىن جويۋعا ارنالعان كۇشتەر مەن قۇرالدار توپتاماسى 39 مىڭنان استام ادام مەن 12 مىڭ بىرلىكتەن استام تەحنيكادان قۇرالعان.
اۋەدەن بارلاۋ: شىعىس قازاقستانداعى سۋ تاسقىنى قاۋپى بار ايماقتار تەكسەرىلدى
«800 كم-دەن استام قورعانىش بوگەتتەرى سالىندى, 1000 كم-دەن استام درەناج جۇيەلەرى مەن ارىقتار جوندەلدى, اۆتوموبيل جولدارىنا 900-دەن استام سۋ وتكىزگىش قۇرىلىستار ورناتىلدى. وزەن ۋچاسكەلەرىندە شامامەن 166 كم ارنالاردى تەرەڭدەتۋ, 255 كم جاعالاۋدى بەكىتۋ, 221 كم تۇزەتۋ جانە 172 كم وزەن ارنالارىن تازالاۋ جۇمىستارى جۇرگىزىلدى», دەدى توتەنشە جاعدايلاردى الدىن الۋ كوميتەتىنىڭ باس مامانى ايجاس سابىرجان.
