ءدۇبىرلى دودادا ەلوردالىق Nomad Table Tennis Academy شاكىرتتەرى وق بويى وزىق شىعىپ, جوعارى دايىندىقتارىن پاش ەتتى. اكادەميانىڭ تاربيەلەنۋشىسى نۇريسلام قاسىم جەكەلەي سىندا قارسىلاس شاق كەلتىرمەي, قازاقستان چەمپيونى اتاندى. جاس دارىن شەشۋشى ساتتەردە كاسىبي دەڭگەيى مەن تەمىردەي ءتوزىمىن دالەلدەي ءبىلدى.
جەڭىس تۇعىرىنان اكادەميانىڭ تاعى ءبىر شاكىرتى قادىرالى قابدىلۋاحيتوۆ تا كورىندى. ول جەكەلەي سىندا قولا جۇلدەنى مىسە تۇتىپ, تۋرنير بويى تۇراقتى ءارى سەنىمدى ويىن ورنەگىن كورسەتتى.
ايتا كەتەيىك, Nomad Table Tennis Academy – استاناداعى جاس سپورتشىلاردى حالىقارالىق دەڭگەيگە دايىندايتىن زاماناۋي اكادەميالاردىڭ ءبىرى. مۇندا الەمدىك تۋرنيردە تاجىربيەسى بار كاسىبي جاتتىقتىرۋشىلاردىڭ جەتەكشىلىگىمەن جۇيەلى دايىندىق جۇرگىزىلىپ, سپورتشىلاردىڭ تەحنيكالىق, تاكتيكالىق جانە پسيحولوگيالىق دامۋىنا ەرەكشە كوڭىل بولىنەدى. وسى چەمپيوناتتاعى ناتيجەلەر اكادەميا جۇمىسىنىڭ تيىمدىلىگىن تاعى ءبىر مارتە دالەلدەدى.
