كيكبوكسينگتەن الەم چەمپيونى ەرلان شاعبان جەلىگە جاريالاعان جازباسىندا سپورتتا ءاربىر ءسات جارىس تاعدىرىن شەشەتىنى سەكىلدى, ەلىمىز ءۇشىن دە تاعدىرشەشتى كەزەڭ كەلگەنىن ايتتى.
ء«بىز ءۇشىن كيكبوكسينگتە ءار ءسات تاعدىر شەشەدى. ءبىر عانا سوققى, ءبىر عانا ءادىس جەكپە-جەك جەڭىمپازىن انىقتاپ بەرەدى. سول سەكىلدى قازىر ءبىزدىڭ ەلىمىز ءۇشىن تاعدىرشەشتى كەزەڭ كەلە جاتىر. اتا زاڭىمىزدىڭ باسىم بولىگىنە وزگەرىستەر ەنگەلى تۇر. ومىردە جانە سپورتتا ءاربىر سەكۋند ماڭىزدى. ءبىز شارشى الاڭعا شىققاندا تەك كۇشىمىزگە ەمەس, ناقتى جوسپار مەن دۇرىس شەشىمگە سەنەمىز. ءبىر ءسات كەشىگۋ مەن بوساڭسۋ جەڭىلىسكە اكەلۋى مۇمكىن. وتانىمىزدىڭ تاعدىرى دا رينگتەگى ايقاس سياقتى. مۇندا سىرتتان باقىلاپ تۇرۋعا بولمايدى. كونستيتۋتسيالىق رەفەرەندۋم ءبىزدىڭ ورتاق بولاشاعىمىز ءۇشىن جاسالاتىن ەڭ ماڭىزدى قادام. 15 ناۋرىزدا ەلىمىزدىڭ بولاشاعىنا اتسالىسۋعا حالىق بولىپ جۇمىلايىق. ءبىزدىڭ جارقىن كۇندەرىمىز ءوز قولىمىزدا», دەپ جازدى الەم چەمپيونى.
قازاقستاندا اۆتوبۋستار جاڭا كونستيتۋتسيا جوباسى تۋرالى اقپارات تاراتۋ الاڭىنا اينالدى
اۋىر اتلەتيكادان الەم چەمپيونى نۇرعيسا ادىلەت ۇلى الەۋمەتتىك جەلىدە وتانداستارىن جارقىن بولاشاق ءۇشىن داۋىس بەرۋگە شاقىردى.
«15 ناۋرىزدا ەلىمىز ءۇشىن ساياسي ماڭىزدى وقيعا – رەسپۋبليكالىق رەفەرەندۋم وتەدى. رەفەرەندۋم بۇل تەك داۋىس بەرۋ عانا ەمەس, بۇل – ازاماتتىق جاۋاپكەرشىلىك پەن ەل تاعدىرىنا بەيجاي قاراماۋ. بولاشاق ءۇشىن ءبىزدىڭ داۋىسىمىز ماڭىزدى. جارقىن بولاشاق ءۇشىن داۋىس بەرۋگە شاقىرامىن», دەپ جازدى ول.
بەلگىلى مانەرلەپ سىرعاناۋشى, ەل چەمپيونى ايزا مامبەكوۆا جەڭىس تەك مۇز ۇستىندە عانا ەمەس, ورتاق قۇندىلىقتاردى ساقتاپ, بولاشاقتى بىرگە قۇرا بىلۋدە ەكەنىن جەتكىزدى.
«جاڭا كونستيتۋتسيا» – جاڭا سەرپىن, جاڭا جاۋاپكەرشىلىك. مۇز ايدىنىندا ءار قوزعالىس تارتىپكە, سەنىمگە جانە ىشكى تارتىپكە نەگىزدەلەدى. سول سياقتى, مەملەكەت تە مىزعىماس قاعيداتتارعا نەگىزدەلۋگە ءتيىس. سپورتشى رەتىندە مەن انت بەرەمىن, ال ازامات رەتىندە ەلىمنىڭ بىرلىگى مەن ەگەمەندىگىن قۇرمەتتەيمىن», دەپ ءسوزىن تۇيىندەدى سپورتشى.
بيىكتىككە سەكىرۋدەن سۋردليمپيادا رەكوردىن جاڭارتىپ, جەڭىمپاز اتانعان جەڭىل اتلەت فاينا مەيرمانوۆا جاڭا كونستيتۋتسيانى قابىلداۋ ەلىمىز ءۇشىن ماڭىزدى كۇن ەكەنىن ايتتى.
«سپورتتا جەتىستىك كەزدەيسوق كەلمەيدى. ناتيجەگە جەتۋ ءۇشىن ءتارتىپ پەن جاۋاپكەرشىلىك كەرەك. بۇل كۇندەلىكتى ومىرگە دە قاتىستى. اسىرەسە زاڭدار مەن ەلدىڭ بولاشاعى تۋرالى اڭگىمە قوزعالعاندا بۇل ايتىلعانداردىڭ ماڭىزى بۇدان دا ارتا تۇسەدى. وسى ورايدا 15 ناۋرىزدا رەسپۋبليكالىق رەفەرەندۋم وتەدى. بۇل ەلىمىز ءۇشىن اسا ماڭىزدى كۇن. سوندىقتان مەن وعان قاتىسامىن», دەدى ول حالىققا ارناعان بەينەجازباسىندا.
سپورت دۇلدۇلدەرىنەن ونەر يەلەرى دە قالىسىپ جاتقان جوق. ايگىلى سازگەر, ءانشى التىنبەك قورازباەۆ 130 ادامنان قۇرالعان كونستيتۋتسيالىق كوميسسيا ازىرلەگەن جاڭا اتا زاڭ جوباسىن قولدايتىنىن, ويتكەنى ول جەردە ەلى مەن جەرىن سۇيەتىن, وتانىمىزدىڭ بولاشاعىنا الاڭدايتىن ازاماتتار بولعانىنا سەنەتىنىن جەتكىزدى.
«كونستيتۋتسيالىق رەفورما مەملەكەت باسشىسى قاسىم-جومارت توقاەۆتىڭ ءبىرپالاتالى پارلامەنت قۇرۋ جونىندەگى باستاماسىنىڭ نەگىزىندە تۋىندادى. پرەزيدەنت بۇل يدەيانى 2025 جىلعى 8 قىركۇيەكتە ءوزىنىڭ حالىققا ارناعان جىل سايىنعى جولداۋىندا ەلدىڭ ساياسي جۇيەسىن كەشەندى جاڭعىرتۋ جانە جاساندى ينتەللەكت داۋىرىندە قازاقستاننىڭ الەۋمەتتىك-ەكونوميكالىق دامۋىنا ەلەۋلى وڭ سەرپىن بەرۋ ماقساتىندا ايتقان بولاتىن. مەن ساياساتكەر ەمەسپىن, بىراق اتا زاڭىمىزعا 84 پايىز وزگەرىس ەنۋى – ۇلكەن جاڭالىق دەپ ويلايمىن. پرەزيدەنتىمىزدىڭ ۇسىنىسىمەن ەنگىزىلىپ جاتقان وسى وزگەرىستەردى شىن جۇرەكتەن قولدايمىن. جاڭا كونستيتۋتسيا ەلىمىزدىڭ ءارى قاراي دامۋىنا, ادىلەتتى قازاقستاندى قۇرۋعا كومەگىن تيگىزەدى دەپ سەنەمىن», دەدى ونەر سالاسىنىڭ مايتالمانى.
جاڭا كونستيتۋتسيا جوباسىندا ادۆوكاتۋرا مارتەبەسىنىڭ بەكىتىلۋى قانداي ماڭىزعا يە؟
بەلگىلى ەسترادا جۇلدىزى ءمادينا سادۋاقاسوۆا اتا زاڭىمىزدىڭ مازمۇنى جاڭارىپ, ەل بولاشاعىنىڭ بەرىك قۇقىقتىق ىرگەتاسى قالانىپ جاتقانىن تىلگە تيەك ەتتى.
«قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى جاريالاندى. قولدانىستاعى باپتاردىڭ باسىم بولىگىنە تۇزەتۋ ەنگىزۋ قاجەتتىلىگى جاڭا رەداكتسيا قابىلداۋدى زاڭدى ەتتى. سونىڭ ناتيجەسىندە كونستيتۋتسيانىڭ مازمۇنى جاڭارىپ, ەل بولاشاعىنا بەرىك قۇقىقتىق نەگىز قالانىپ جاتىر. قازىرگى كۇردەلى كەزەڭدە ىشكى تۇراقتىلىقتى ساقتاپ, جۇيەلى رەفورمالاردى جۇزەگە اسىرۋ – مەملەكەتتىڭ باستى جەتىستىگى!», دەپ جازدى ءانشى.
ەلىمىزدىڭ ەڭبەك سىڭىرگەن قايراتكەرى, تەاتر جانە كينو اكتيورى جالعاس تولعاناي رەفەرەندۋم ءار ازاماتتىڭ داۋىسى ەستىلەتىن ءسات ەكەنىن ايتىپ, ءار ءسوزىن دالەلدى ۋاجبەن تۇزدىقتادى.
ء«ار تاڭداۋ – بولاشاققا سالىنعان قادام. ءار داۋىس – ەل تاعدىرىنا قوسىلعان ۇلەس. جاڭا كونستيتۋتسيا ادام قۇقىعىن قورعاۋدى كۇشەيتەدى, ادىلەتتى قوعام قۇرۋعا جول اشادى, بيلىك پەن حالىق اراسىنداعى جاۋاپكەرشىلىكتى نىعايتادى», دەدى ونەر مايتالمانى.
