بولجامعا سايكەس, ەل اۋماعىنىڭ باسىم بولىگىندە سولتۇستىك-باتىس تسيكلون جانە ونىمەن بايلانىستى اتموسفەرالىق فرونتالدى بولىكتەردىڭ ىقپالى ساقتالادى.
«جاڭبىر مەن قار, بوران, كوكتايعاق كۇتىلەدى. رەسپۋبليكا بويىنشا تۇمان ءتۇسىپ, جەل كۇشەيۋى مۇمكىن», دەپ حابارلادى «قازگيدرومەت» رمك ءباسپاسوز قىزمەتى.
سونىمەن قاتار, جەتىسۋ وبلىسىنداعى الاكول كولدەرى ماڭىندا, تۇركىستان وبلىسىنىڭ تاۋ اسۋلارىندا تۇندە جانە تاڭەرتەڭ, سونداي-اق جامبىل وبلىسىنىڭ وڭتۇستىك-باتىسى مەن تاۋلى اۋداندارىندا سەكۋندىنا 30 مەتر جانە ودان دا جوعارى جىلدامدىقپەن وتە كۇشتى جەل سوعادى دەپ بولجانىپ وتىر.
