قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ مالىمەتىنشە, سايلاۋ ۋچاسكەسى ماسكەۋ ۋاقىتى بويىنشا 07:00 – 20:00 ارالىعىندا جۇمىس ىستەيدى.
سايلاۋ ۋچاسكەسىنىڭ مەكەنجايى: ماسكەۋ قالاسى, چيستوپرۋدنىي بۋلۆارى, 3 «ا» ءۇي (قازاقستان رەسپۋبليكاسى ەلشىلىگىنىڭ عيماراتى).
قازاقستان ازاماتتارىنا سايلاۋ ۋچاسكەسىنە بارعان كەزدە جەكە باسىن كۋالاندىراتىن پاسپورتى نەمەسە جەكە كۋالىگى بولۋى قاجەت.
«ماسكەۋدەگى ۋچاسكەدە داۋىس بەرۋدى جوسپارلاپ وتىرعان سايلاۋ پروتسەسىن ۇيىمداستىرۋدى جەڭىلدەتۋ ءۇشىن ەلەكتروندىق پوشتاعا (referendum.moscow@mfa.kz) كەلەسى مالىمەتتەر جىبەرۋ تۋرالى ءوتىنىش: تەگى, اتى, اكەسىنىڭ اتى, تۋعان كۇنى, جسن, رەسەيدەگى تۇرعىلىقتى مەكەنجايى, بايلانىس تەلەفونىنىڭ ءنومىرى, ەلەكتروندىق پوشتا», دەلىنگەن حابارلامادا.
سونىمەن قاتار, ماسكەۋدەن باسقا, قازاقستان رەسپۋبليكاسىنىڭ باس كونسۋلدىقتارىنداعى سايلاۋ ۋچاسكەلەرىندە جەرگىلىكتى ۋاقىت بويىنشا ساعات 07.00-دەن 20.00-گە دەيىن داۋىس بەرۋگە بولادى:
- №454 سايلاۋ ۋچاسكەسى – سانكت-پەتەربۋرگ قالاسى, چايكوۆسكي كوشەسى, 71-ءۇي, سايت
- №465 سايلاۋ ۋچاسكەسى – قازان قالاسى, كارل ماركس كوشەسى, 8/13 ءۇي, سايت
- №455 سايلاۋ ۋچاسكەسى – استراحان قالاسى, 1-ءشى ارشانسكايا ك-ءسى, 17 ءۇي, سايت
- №456 سايلاۋ ۋچاسكەسى – ومبى قالاسى, شوقان ءۋاليحانوۆ كوشەسى, 9-ءۇي, سايت
ايتا كەتەيىك, 2026 جىلعى 15 ناۋرىزدا مەملەكەت باسشىسىنىڭ جارلىعىنا سايكەس قازاقستان رەسپۋبليكاسىنىڭ جاڭا كونستيتۋتسيانى قابىلداۋ ماسەلەسى بويىنشا رەسپۋبليكالىق رەفەرەندۋم وتەدى.
