سپورت • 19 اقپان, 2026

«وتباسى بانك» گيمناستشىلاردىڭ جاتتىعۋ زالىن تارتىپ الا ما؟ مينيسترلىك تۇسىنىكتەمە بەردى

1 مين

وقۋ ءۇشىن

تۋريزم جانە سپورت مينيسترلىگى استانا قالاسى №1 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ كوركەم گيمناستيكا بولىمى تاربيەلەنۋشىلەرىنىڭ «دۋمان» قوناق ءۇي كەشەنىنىڭ زالىندا جاتتىعۋىنا قاتىستى ماسەلەگە تۇسىنىكتەمە بەردى, دەپ جازادى Egemen.kz.

دانا مىرزاقادىر

«وتباسى بانك» گيمناستشىلاردىڭ جاتتىعۋ زالىن تارتىپ الا ما؟ مينيسترلىك تۇسىنىكتەمە بەردى

فوتو: gtsolifk.ru

مينيسترلىك مالىمەتىنشە, قازىر «وتباسى بانك» اق سپورتشىلار ءۇشىن اتالعان زالدى پايدالانۋ مەرزىمىن 1 ماۋسىمعا دەيىن ۇزارتقان. بۇل كوركەم گيمناستشىلاردىڭ وقۋ-جاتتىعۋ جۇمىسىن تۇراقتى جالعاستىرۋعا مۇمكىندىك بەرگەن. سونداي-اق استانا قالاسى اكىمدىگىنىڭ دەنە شىنىقتىرۋ جانە سپورت باسقارماسىنىڭ مالىمەتىنە سايكەس, 1 ماۋسىمنان باستاپ سپورتشىلاردىڭ جىل سوڭىنا دەيىن «سارىارقا» ۆەلوترەگىنىڭ سپورت زالىن جالعا الۋ مۇمكىندىگى قاراستىرىلىپ جاتىر.

وسكەمەندە كوركەم گيمناستيكادان حالىقارالىق تۋرنير ءوتتى

قالا اكىمدىگىنىڭ اقپاراتىنشا, جانگەلدين كوشەسى, 9ا مەكەنجايىندا ورنالاسقان «جەڭىس» سپورت كەشەنىندە كوركەم گيمناستيكا زالىنا ارنالعان ارنايى قوسىمشا قۇرىلىس جۇمىستارى جۇرگىزىلىپ جاتىر. جوبا اياسىندا كولەمى 14×14 مەتر, بيىكتىگى 14 مەتر بولاتىن ەكى تۇعىر قاراستىرىلعان. نىساندى بيىل جىل سوڭىنا دەيىن پايدالانۋعا بەرۋ جوسپارلانىپ وتىر.

الماتىدا گيمناستيكادان ەل چەمپيوندارى انىقتالدى

«تۋريزم جانە سپورت مينيسترلىگى ءۇشىن سپورتشىلاردىڭ تۇراقتى دايىندىق جاعدايىن قامتاماسىز ەتۋ – نەگىزگى باسىمدىقتاردىڭ ءبىرى. ەگەر بالامالى الاڭ انىقتالماسا, قولدانىستاعى زالدى ودان ءارى پايدالانۋ ماسەلەسى بالالاردىڭ مۇددەسىن ەسكەرە وتىرىپ, قايتا قارالادى. بۇل تۋرالى قوسىمشا اقپارات باق ارقىلى حابارلانادى. جاعداي مينيسترلىكتىڭ باقىلاۋىندا», دەلىنگەن مينيسترلىك تاراتقان حابارلامادا.