فوتو: مەكتەپ
ايلىق بارىسىندا ءتۇرلى مازمۇنداعى ءىس-شارالار ۇيىمداستىرىلدى. اتاپ ايتقاندا, «ماماندىقتار مارافونى», «ەڭبەگى ادال جاس ورەن» اتتى رەسپۋبليكالىق جوبا اياسىندا مەكتەبىمىزدىڭ ونەرلى ۇستازدارى مەن 9-11 سىنىپ وقۋشىلارى اراسىندا كونكۋرس ءوتتى. كونكۋرس بارىسىندا قاتىسۋشىلار وزدەرى تاڭداعان ماماندىقتارى بويىنشا شىعارماشىلىق جۇمىستارىن تانىستىرىپ, ۇستازدارىنىڭ جەتەكشىلىگىمەن ءتۇرلى باعىتتا شەبەرلىكتەرىن كورسەتتى. وقۋشىلار ماماندىقتىڭ قىر-سىرىن زەرتتەپ, ونىڭ قوعامداعى ماڭىزىن دالەلدەيتىن جوبالار قورعادى.
پاۆلوداردا العاش رەت كوزدىڭ قاساڭ قابىعى ترانسپلانتاتسيالاندى
«ميراس» جوباسى اياسىندا «تارتىپكە باعىنعان-ەلگە قىزمەت ەتەدى» تاقىرىبىندا قۇقىق قورعاۋ ورگاندارى قىزمەتكەرلەرىمەن كەزدەسۋ وتكىزىلىپ, وقۋشىلارعا زاڭ تالاپتارى مەن جاسوسپىرىمدەردىڭ جاۋاپكەرشىلىگى تۋرالى تۇسىندىرمە جۇمىستارى جۇرگىزىلدى. سونىمەن قاتار «مەكتەپ جارعىسى - ءبىلىم بەرۋ ۇيىمىنداعى ءتارتىپتىڭ نەگىزى», «زاڭ جانە ءتارتىپ», «قۇقىقتىق مادەنيەت – زامان تالابى» تاقىرىپتارىندا اشىق تاربيە ساعاتتارى, پىكىرتالاستار مەن دوڭگەلەك ۇستەلدەر ۇيىمداستىرىلدى. وقۋشىلار اراسىندا جاسوسپىرىمدەر ورتاسىنداعى ناشاقورلىقپەن كۇرەس بويىنشا پلاكاتتار جانە بۋكلەتتەر بايقاۋلارى وتكىزىلىپ, «قوعامدىق م ۇلىكتى قورعا!» تاقىرىبىندا 5-11 سىنىپ وقۋشىلارى اراسىندا چەللەندجدەر ۇيىمداستىرىلدى. بەلسەندى قاتىسقان ءبىلىم الۋشىلار ارنايى ماراپاتتارعا يە بولدى.
بۇل ءىس-شارالار جاس ۇرپاقتىڭ بويىندا ادالدىق, ادىلدىك, جاۋاپكەرشىلىك سياقتى قۇندىلىقتاردى نىعايتۋعا ىقپال ەتەتىنى ءسوزسىز. ايلىق اياسىندا مەكتەپىشىلىك ءتۇسىندىرۋ جۇمىستارى جۇرگىزىلىپ, ىشكى ءتارتىپ ەرەجەلەرى تاعى ءبىر مارتە تانىستىرىلدى. وقۋشىلارعا قۇقىق بۇزۋشىلىقتىڭ الدىن الۋ, بۋللينگ پەن كيبەربۋللينگتىڭ زيانى تۋرالى ناقتى مىسالدار كەلتىرىلىپ, سەنىم جاشىگى مەن سەنىم تەلەفوندارى تۋرالى اقپارات بەرىلدى.
قورىتىندىلاي ايتساق, «ادالدىق الاڭى: زاڭ جانە ءتارتىپ» ايلىعى جاس ۇرپاقتىڭ قۇقىقتىق ساناسىن قالىپتاستىرۋعا, قوعام الدىنداعى جاۋاپكەرشىلىگىن ارتتىرۋعا باعىتتالعان ماڭىزدى باستاما بولدى. زاڭعا قۇرمەت - بۇل ءار ازاماتتىڭ مىندەتى. ادالدىق پەن ءتارتىپ سالتانات قۇرعان ءبىلىم ورداسىندا عانا ادىلەتتى قوعام قالىپتاسادى.
گۇلميرا ابدىمبەتوۆا,
№47 ورتا مەكتەبى ديرەكتورىنىڭ تاربيە جونىندەگى ورىنباسارى
پاۆلودار قالاسى
