فوتو: ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى (ارحيۆ)
قارجىلاندىرۋ شارتتارى ناقتى
وبلىس ورتالىقتارىندا جۇزەگە اسىرىلاتىن جوبالار ءۇشىن نەسيە سوماسى 3 ملرد تەڭگەدەن اسپاۋعا ءتيىس. ال مونوقالالاردا, شاعىن قالالار مەن اۋىلدىق ەلدى مەكەندەردە بۇل شەك 1,5 ملرد تەڭگە دەڭگەيىندە بەلگىلەنگەن.
سۋبسيديالاناتىن سىياقى مولشەرلەمەسى 10,75 % بولىپ بەكىتىلدى. ينۆەستيتسيالىق ماقساتتارعا بەرىلەتىن نەسيەلەردى سۋبسيديالاۋ مەرزىمى 5 جىلعا دەيىن, ال اينالىم قاراجاتىن تولىقتىرۋعا ارنالعان قارجىلاندىرۋ 3 جىلعا دەيىن قاراستىرىلعان.
شەتەلدىك ماركەتپلەيستەردە ساۋدا جاساۋ: ەل ازاماتتارى ءۇشىن نە وزگەرەدى؟
قارسى مىندەتتەمە – وتاندىق ونىمگە باسىمدىق
مەملەكەتتىك قولداۋ تەك قارجىلاي جەڭىلدىكپەن شەكتەلمەيدى. كاسىپكەرلەرگە ناقتى قارسى مىندەتتەمەلەر جۇكتەلەدى. اتاپ ايتقاندا, قولداۋ العان نىساندار ساۋدا سورەلەرىندە وتاندىق تاۋار وندىرۋشىلەردىڭ ءونىمىن ورنالاستىرۋعا مىندەتتى.
ازىق-ت ۇلىككە جاتپايتىن تاۋارلار بويىنشا وتاندىق ءونىمنىڭ ۇلەسى كەمىندە 20%, ال ازىق-ت ۇلىك تاۋارلارى بويىنشا 50%-دان تومەن بولماۋى ءتيىس. ونىڭ 30%-ى قولدانىستاعى ىشكى ساۋدا قاعيدالارى شەڭبەرىندە, قوسىمشا 20%-ى مەملەكەتتىك قولداۋ تەتىكتەرى ارقىلى قامتاماسىز ەتىلەدى.
مينيسترلىك وتاندىق وندىرۋشىلەردىڭ نارىقتاعى ۇلەسىن ارتتىرۋعا باعىتتالعان قوسىمشا وزگەرىستەردى دە پىسىقتاپ جاتىر. ەگەر كاسىپكەر اينالىم قاراجاتىن تولىقتىرۋعا قارجى السا, ول ءتيىستى تىزىلىمگە ەنگىزىلگەن وتاندىق وندىرۋشىلەردەن تاۋار, شيكىزات جانە ماتەريالدار ساتىپ الۋعا مىندەتتەلەدى.
سونداي-اق تىركەلگەنىنە 3 جىلدان اسپاعان باستاۋشى وتاندىق وندىرۋشىلەردىڭ ءونىمىن ولاردىڭ جازباشا ءوتىنىمى نەگىزىندە كەمىندە 3 اي مەرزىمگە ساۋدا الاڭدارىنا تەگىن ورنالاستىرۋ تالابى ەنگىزىلەدى.
باعانى نەگىزسىز وسىرگەن ساۋدا ورىندارىنا 481 030 تەڭگە ايىپپۇل سالىندى
تۇراقتىلىق پەن اشىقتىق تالاپ ەتىلەدى
قولداۋ العان كاسىپكەرلەر ءۇشىن تاعى ءبىر ماڭىزدى شارت بار: سۋبسيديالاۋ نەمەسە كەپىلدەندىرۋ شارتى جاسالعان كۇننەن باستاپ 1 جىل ىشىندە جالداۋ اقىسىنىڭ مولشەرىن وزگەرتۋگە تىيىم سالىنادى. بۇل تالاپ نارىقتاعى تۇراقتىلىقتى ساقتاۋعا باعىتتالعان.
بۇدان بولەك, كاسىپكەرلەرگە statgov.kz تسيفرلىق جۇيەسى ارقىلى ۇلتتىق ستاتيستيكا بيۋروسىنا ەسەپتىلىكتى ۋاقتىلى تاپسىرۋ مىندەتى جۇكتەلەدى.
Alibaba مەن Baidu اكتسيالارى قازاقستان قور بيرجاسىندا ساۋدالانادى
وڭىرلىك ساۋدانى جاڭعىرتۋعا باعىتتالعان قادام
جالپى العاندا, وتكەن جىلى بولىنگەن 4,3 ملرد تەڭگە ىشكى ساۋدا ينفراقۇرىلىمىن جاڭعىرتۋعا, جاڭا فورماتتاعى نىساندار اشۋعا جانە وڭىرلىك كاسىپكەرلىكتى جانداندىرۋعا سەرپىن بەردى.
مەملەكەتتىك قولداۋ تەتىكتەرى ەندى تەك قارجىلاندىرۋ قۇرالى ەمەس, وتاندىق ءوندىرىستى قولداۋدىڭ جانە ىشكى نارىقتى نىعايتۋدىڭ ناقتى تەتىگىنە اينالىپ وتىر.
