وبلىس اكىمى قۇمار اقساقالوۆ پەن «قازاقستان حالقىنا» قورىنىڭ باسقارما توراعاسى ءلاززات شىڭعىسباەۆا ونكولوگيالىق اۋرۋحاناعا بارىپ, جاڭا اپپاراتتىڭ جۇمىسىمەن تانىستى. ماماندار مۇنداي قىمبات ءارى اسا قاجەت قۇرىلعىنىڭ وڭىرگە ءبىرىنشى رەت اكەلىنگەنىن ايتادى.
قاتەرلى ىسىك: ەلدىڭ ونكولوگيالىق كارتاسىندا قانداي وزگەرىستەر بار؟
دارىگەرلەردىڭ ايتۋىنشا, زاماناۋي تەحنولوگيانىڭ جەمىسى سانالاتىن «Halcyon» جەلىلىك ۇدەتكىشى ونكولوگيالىق اۋرۋلاردى جىلدام, ءدال ءارى قاۋىپسىز قاشىقتىقتان ساۋلەمەن ەمدەيدى. باستى ارتىقشىلىعى – ەمدەۋ ءجۇرىپ جاتقاندا ناۋقاستىڭ جانى قينالمايدى, جاناما اسەرلەر ازايادى جانە ەمدەۋ ۋاقىتى بۇرىنعىدان ەداۋىر قىسقارادى.
− «Halcyon» جەلىلىك ۇدەتكىشى راديوتەراپيانىڭ حالىقارالىق ستاندارتتارىنا سايكەس كەلەدى جانە ەمدەۋدىڭ ساپاسىن ارتتىرادى. بىزدە بۇعان دەيىن مۇنداي «اقىلدى» اپپارات بولعان جوق. سوندىقتان دەرتىن اسقىندىرىپ العان ناۋقاستاردى استانا, الماتى ءتارىزدى ءىرى ورتالىقتارعا جىبەرۋگە ءماجبۇر بولىپ كەلدىك. ەندى جاڭا قوندىرعى مۇنداي ناۋقاستاردى وسى اۋرۋحانادا ەمدەۋگە مۇمكىندىك بەرىپ وتىر. مۇنىڭ سىرتىندا, بيۋدجەت قاراجاتى ۇنەمدەلەدى. سونداي-اق, جوعارى تەحنولوگيالىق ونكولوگيالىق كومەك قولجەتىمدى بولا تۇسەدى, − دەيدى دارىگەرلەر.
