كەزدەسۋگە اقتاۋ قالالىق ءماسليحاتىنىڭ دەپۋتاتى جانار جۇماشەۆا, اقتاۋ قالالىق ءماسليحاتىنىڭ دەپۋتاتى يسلام ۇسەنوۆ, مۇنايلى اۋداندىق ءماسليحاتىنىڭ توراعاسى بەرىك بيلالوۆ, وبلىستىق كواليتسيا مۇشەسى گۇلناز كوجەرباەۆا, مۇنايلى اۋدانى ارداگەرلەر كەڭەسىنىڭ توراعاسى چاپاي ابيلوۆ قاتىستى.
«اۋىل» پارتياسى اباي وبلىستىق فيليالى الداعى رەفەرەندۋمدى قولدايتىنىن ءبىلدىردى
جيىندا جاڭا كونستيتۋتسياعا ەنگىزىلگەن وزگەرىستەر مەن تولىقتىرۋلار, قۇجاتتا باسىمدىق بەرىلگەن باعىتتار مەن نەگىزگى قاعيدالار, سونداي-اق رەفورمالاردىڭ ەل مەن قوعام ءۇشىن ماڭىزى اتالىپ ءوتتى. سونىمەن قاتار, اتالعان باعىتتاعى جۇمىستاردى ۇيلەستىرۋ ماقساتىندا وبلىستىق كواليتسيا قۇرىلىپ, ءوز قىزمەتىن باستاعانى ايتىلدى.
جاڭا كونستيتۋتسيا جوباسى بويىنشا رەفەرەندۋمدا قانشا ادام داۋىس بەرە الادى؟
كەزدەسۋ بارىسىندا رەفەرەندۋم 15 ناۋرىزدا وتەتىنى ايتىلىپ, ونىڭ ماڭىزى مەن قازاقستاننىڭ ءاربىر ازاماتى داۋىس بەرۋگە قۇقىلى ەكەنى جەتكىزىلدى.
ماڭعىستاۋداعى «قازازوت» قىزمەتكەرلەرى رەفەرەندۋمدا داۋىس بەرەدى
جيىن سوڭىندا «قتج» ۇك» اق ماڭعىستاۋ ماگيسترالدىق جەلى بولىمشەسىنىڭ ديرەكتورى ەرنازار ىزتۇرعانوۆ تەمىرجول سالاسىنىڭ ۇجىمى رەفەرەندۋمعا بەلسەندى قاتىسىپ, باستامالاردى قولدايتىنىن اتاپ ءوتتى.
«بۇگىن تەمىرجول ەڭبەك ۇجىمى قىزمەتكەرلەرىنە جاڭا كونستيتۋتسياداعى وزگەرىستەر مەن تولىقتىرۋلاردى ءتۇسىندىرۋ ماقساتىندا جيىن ءوتتى. اتا زاڭنىڭ 84 پايىزى وزگەرىسكە ۇشىراعانى بەلگىلى بولدى. ەنگىزىلىپ جاتقان وزگەرىستەردىڭ ىشىندە وتباسىعا قاتىستى ماسەلەلەر دە قامتىلعان. سونىمەن قاتار, قوس پالاتالى پارلامەنتتىڭ ورنىنا ءبىر پالاتالى پارلامەنتتىڭ قۇرىلۋى دا ماڭىزدى وزگەرىستەردىڭ ءبىرى. رەفەرەندۋم 15 ناۋرىزدا وتەدى دەپ بەلگىلەنىپ وتىر. سول سەبەپتى بارلىق جۇمىسشىلاردى قاتىسۋعا شاقىرامىز. ءوزىمىز دە قاتىسامىز جانە ارىپتەستەرىمىزدى بىرگە بولۋعا ۇندەيمىز. تەمىرجول ۇجىمى اتىنان بۇل باستامانى قولدايتىنىمىزدى بىلدىرەمىز», دەدى بەكزات ىزتۇرعانوۆ.
