پرەزيدەنتتىڭ ايتۋىنشا دەنساۋلىق ساقتاۋ سالاسىندا جەكە-جەكە جۇمىس ىستەيتىن 30-دان استام اقپاراتتىق جۇيەنى ءبىر-بىرىنە تولىققاندى بايلانىستىرماۋدىڭ سالدارىنان بيۋدجەت قارجىسىن جىمقىرۋ ارەكەتتەرى جۇزەگە اسىرىلعان.
توقاەۆ: دۇنيە جۇزىندەگى ەكونوميكالىق احۋالعا قاراماستان, بىلتىر ەكونوميكامىز 6,5%-عا ءوستى
«سالالىق مينيسترلەردىڭ كوز الدىندا بۇرىن-سوڭدى بولماعان اۋقىمداعى الاياقتىق ىستەر جاسالعانى تاڭعالدىرادى. ونىڭ ۇستىنە بۇل الەۋمەتتىك سالادا ورىن الىپ جاتىر. باس پروكۋراتۋرا مەن باسقا دا وكىلەتتى ورگاندار قىلمىستىڭ قاشان جاسالعانىنا, ونى كىمدەردىڭ جاسىرعانىنا قاراماستان, ءىستى ەگجەي-تەگجەيلى تەكسەرىپ, اقيقاتتى انىقتاۋعا مىندەتتى. تەرگەۋ پروتسەسىن ءوز باقىلاۋىمدا ۇستايمىن.
ۇكىمەتكە 1 جەلتوقسانعا دەيىن بىرىڭعاي مەملەكەتتىك مەديتسينالىق اقپاراتتىق جۇيە قۇرۋ جۇمىسىن اياقتاۋدى تاپسىرامىن. بۇل بارلىق ۇدەرىسكە باقىلاۋ جاساپ, باسىنان اياعىنا دەيىن قاداعالاپ وتىراتىن جۇيە بولۋعا ءتيىس.
مەملەكەت باسشىسى مىندەتتى الەۋمەتتىك مەديتسينالىق ساقتاندىرۋ جۇيەسىنىڭ دە بارىنشا اشىق بولۋىن قامتاماسىز ەتۋ كەرەكتىگىن اتاپ ءوتتى.
«الەۋمەتتىك مەديتسينالىق ساقتاندىرۋ قورىندا جالعان قۇجات تولتىرىپ, دەرەكتەردى بۇرمالايتىن قيتۇرقى جولدار بار ەكەنى انىقتالدى. مەن ۇلتتىق قۇرىلتايدىڭ وتىرىسىندا وسى ماسەلەگە ارنايى توقتالدىم. تاعى دا ايتامىن. باس پروكۋراتۋرا جانە ءتيىستى قۇقىق قورعاۋ مەكەمەلەرى بارلىق جىمقىرۋ ارەكەتتەرىنە قاتىسى بار ادامداردى زاڭ تۇرعىسىنان جاۋاپقا تارتۋى قاجەت.
ءبىلىم سالاسىندا دا نەشە ءتۇرلى الاياقتىق ارەكەتتەر بار بولىپ شىقتى. زاڭدى بۇزعان ازاماتتاردى مىندەتتى تۇردە جازاعا تارتۋ كەرەك. ۇكىمەتكە جىل سوڭىنا دەيىن قوردىڭ جۇمىسىن تولىق تسيفرلاندىرۋدى تاپسىرامىن. سوندا عانا جۇمىس اشىق جۇرگىزىلەدى, ال قارجى ءتيىمدى جۇمسالادى», دەدى مەملەكەت باسشىسى.
پرەزيدەنت: ايماقتار ەكونوميكاسىندا شەشىمىن تاپپاعان ماسەلەلەر ءالى دە بار
