فوتو: gov.kz
«ساراپشىلار الەم ەكونوميكاسىنىڭ ءوسىمى باياۋلاپ, حالىقارالىق ساۋدا قارقىنى السىرەيدى دەگەن بولجام جاساپ جاتىر. دامۋشى ەلدەرگە سالىناتىن جاھاندىق ينۆەستيتسيا كولەمى ازايىپ بارادى. قارجى سالاسى توقىراۋعا ۇشىراۋى مۇمكىن.
بۇگىندە كوپتەگەن ەل ءوز نارىعىن قورعاۋ شارالارىن كۇشەيتىپ جاتىر. مەملەكەتتەر اراسىندا ءوزارا تاريفتىك شەكتەۋ قويۋ ءۇردىسى بەلەڭ الدى. جاھاندانۋ ۇدەرىسى كەرى سيپات الا باستادى. مۇنىڭ ءبارى الەمدەگى گەوساياسي احۋالدى وزگەرتىپ جاتىر. بىراق نەگىزگى ءارى شەشۋشى وقيعالار ءالى الدا.
دۇنيە جۇزىندە مۇلدە جاڭا ۇدەرىستەر پايدا بولىپ كەلەدى. مەملەكەتتىڭ تۇراقتى دامۋى ءۇشىن ءبىز وسى وزگەرىستەرگە ەكونوميكالىق جانە ساياسي تۇرعىدان بەيىمدەلۋىمىز قاجەت. بۇل – اسا ماڭىزدى مىندەتتىڭ ءبىرى», دەدى مەملەكەت باسشىسى.
قاسىم-جومارت توقاەۆ بۇرىنعى تاسىلدەر قازىر ءتيىمسىز بولىپ قالعانىنا نازار اۋدارىپ, وزىق مەملەكەتتەر الەم ەكونوميكاسىن دامىتۋدىڭ جاڭا ۇلگىسىن ازىرلەۋگە كىرىسىپ كەتكەنىن اتاپ ءوتتى. مەملەكەت باسشىسى قازاقستان دا بۇل ۇردىستەن شەت قالماۋى ءتيىس ەكەنىن جەتكىزدى.
توقاەۆ: ادۆوكاتتاردىڭ ۇسىنىسىمەن اتا زاڭ جوباسىنا ادۆوكاتۋرا تۋرالى جەكە باپ قوسىلدى
«ۇلت مۇددەسىن قورعاۋ ءۇشىن ەكونوميكانى نىعايتۋعا جانە دامىتۋعا ارنالعان ناقتى جوسپار بولۋعا ءتيىس. دۇنيە جۇزىندەگى ەكونوميكالىق احۋالعا قاراماستان, بىلتىر ەكونوميكامىز 6,5 پايىزعا ءوستى. ءبىزدىڭ ميسسيامىز – ايقىن: ەكونوميكالىق ءوسىم جوعارى ساپاعا يە بولۋى كەرەك, ياعني, ەڭ الدىمەن, حالىقتىڭ ءال-اۋقاتىن ارتتىرىپ, تۇرمىسىن جاقسارتۋعا ءتيىس. باسقاشا ايتساق, ىشكى جالپى ءونىم ارتقان سايىن ازاماتتاردىڭ ناقتى تابىسى دا كوبەيۋى كەرەك. بۇل – ۇكىمەتتىڭ الدىندا تۇرعان نەگىزگى مىندەت», دەدى قاسىم-جومارت توقاەۆ.
ء«ارتۇرلى كوزقاراس – ءبىرتۇتاس ۇلت»: پرەزيدەنت ەلىمىز ءۇشىن ماڭىزدى قاعيداتتى اتادى
