«بىلتىر 700 شاقىرىم سۋ ارناسى قايتا جاڭعىرتىلسا, بيىل تاعى 986 شاقىرىمدا كۇردەلى جوندەۋ جۇمىستارى جۇرگىزىلەدى. 4 سۋ قويماسى جاڭارتىلدى, وسى جىلى تاعى دا ءتورت نىساندى جاڭارتۋ جۇمىستارى جانە 3 جاڭا سۋ قويماسىنىڭ قۇرىلىسى باستالادى.
سۋ رەسۋرستارىن كەشەندى باسقارۋدىڭ باس جوسپارىنا نەگىز بولاتىن سەگىز باسسەيندىك جوسپاردى ازىرلەۋ اياقتالادى», دەپ اتاپ ءوتتى ولجاس بەكتەنوۆ.
مەملەكەت باسشىسىنىڭ ۇلتتىق قۇرىلتايدا بەرگەن تاپسىرماسىنا سايكەس, جىل سوڭىنا دەيىن ەلىمىزدىڭ سۋ-ەنەرگەتيكا رەسۋرستارىنىڭ كارتاسى ازىرلەنەدى.
سۋدى ۇنەمدەۋ ماسەلەسى باسىم باعىت بولىپ قالا بەرەدى. بۇگىندە سۋارمالى جەرلەردىڭ ۇشتەن بىرىنەن استام بولىگى سۋ ۇنەمدەۋ تەحنولوگيالارىمەن قامتىلعان. ناتيجەسىندە وتكەن جىلى 847 ملن تەكشە مەتر سۋدى ۇنەمدەۋ مۇمكىن بولدى. الداعى ۋاقىتتا جىل سايىن قوسىمشا 150 مىڭ گەكتارعا جۋىق القاپتى قامتۋ جوسپارلانىپ وتىر. بۇل رەتتە سۋ رەسۋرستارى جانە اۋىل شارۋاشىلىعى مينيسترلىكتەرىنىڭ الدىندا كورسەتكىشتەردىڭ ادەيى بۇرمالانۋىنا جول بەرمەۋ مىندەتى تۇر.
سونداي-اق تۋريستىك سالانى دامىتۋ ءۇشىن ۇكىمەت قابىلداپ جاتقان شارالارعا نازار اۋدارىلدى. اعىمداعى مىندەتتەر مەن باسىمدىقتاردى ەسكەرە وتىرىپ, تۋريستىك سالانى دامىتۋعا ارنالعان كەشەندى جوسپاردىڭ وزەكتىلىگىن ارتتىرۋ بويىنشا جۇرگىزىلىپ جاتقان جۇمىستار دا اتاپ ءوتىلدى.
سالادا بىرقاتار ءىرى جوبا جۇزەگە اسىپ جاتىر. ماسەلەن, الماتى تاۋ كلاستەرىنىڭ قولدانىستاعى ينفراقۇرىلىمىن جاڭعىرتۋ جانە جاڭا نىساندار سالۋ جۇمىستارى, سونىڭ ىشىندە زاماناۋي شاڭعى كۋرورتىنىڭ جوباسى باستالدى. قازىرگى تاڭدا 17 كوتەرمە جول جانە 53 شاقىرىم تراسسا جۇمىس ىستەپ تۇر. قوسىمشا 46 كوتەرمە جول مەن 221 شاقىرىم تراسسا ىسكە قوسىلادى. قۇرىلىس-مونتاج جۇمىستارى كوكتەمدە باستالادى.
40 پايىزدىق مەجە: ۇكىمەت حالىقتىڭ ناقتى تابىسىن قالاي وسىرمەك؟
بيىل كاتونقاراعاي, زايسان جانە كەندىرلىدە جاڭا اۋەجايلاردىڭ قۇرىلىسى اياقتالادى. ول وسى وڭىرلەردە ءتۋريزمدى دامىتۋعا قوسىمشا سەرپىن بەرەدى.
