قاتتى جەلدەن 7 تۇرعىن ءۇيدىڭ شاتىرى جارتىلاي ۇشىپ كەتتى. سونداي-اق 7 كاسىپكەرلىك نىساننىڭ شاتىرى ءب ۇلىنىپ, شامامەن 2 شاقىرىمعا جۋىق ەلەكتر جەلىسى ۇزىلگەن. مۇنداي قۇيىن جەلدىڭ تالايىن كورسە دە, قالا حالقى وسى جولى ءتىپتى دۇرلىگىپ قالدى.
ءوڭىر باسشىسى ە.قاراشوكەەۆ سارىسۋ اۋدانىنا ارنايى بارىپ, داۋىل سالدارىنان ب ۇلىنگەن نىسانداردى ارالاپ, جاعدايمەن تانىستى. جەرگىلىكتى حالىقپەن پىكىرلەستى.
«ەل ىشىندە «اپات ايتىپ كەلمەيدى» دەگەن ءسوز بار. ەكپىنى سەكۋندىنا 32 مەترگە دەيىن جەتكەن جويقىن جەل ءبارىمىزدى قاتتى الاڭداتتى. تابيعاتتىڭ توسىن مىنەزىنە ارقاشان دايىن بولۋىمىز كەرەك. اۋداندىق دەڭگەيدە توتەنشە جاعداي جاريالاندى. اپات سالدارىن جويۋعا قاجەتتى قارجى قاراستىرىلدى. بۇل ماسەلە تىكەلەي ءوزىمنىڭ باقىلاۋىمدا بولادى», دەدى وبلىس اكىمى جەرگىلىكتى حالىقتىڭ كوكەيىندەگى كۇدىكتى سەيىلتىپ.
جاڭاتاستاعى جەل سالدارىنان ەڭ باستىسى ادام زارداپ شەكپەگەنىنە تاۋبە دەپ وتىرمىز. قالاي بولعان كۇندە دە جاڭاتاس پەن قاراتاۋ حالقى قىس مەزگىلىندە دۇلەي داۋىل سوقپاسا دەپ تىلەپ وتىرادى. قىسقا قانشا دايىندىق جۇمىسى جۇرگىزىلسە دە, ەكى قالانىڭ تۇرعىندارى تابيعاتتىڭ توسىن مىنەزىنەن ايتارلىقتاي قايمىعادى.
قازىر داۋىل سالدارىنان كەلگەن زارداپتى جويۋعا قاتىستى ناقتىلى جۇمىستار اتقارىلىپ جاتىر. قىس مەزگىلى جەتسە, بەت قاراتپايتىن بورانمەن الىساتىن جۋالى جۇرتى, جويقىن جەلدەن جۇرەكسىنەتىن قاراتاۋ مەن جاڭاتاس حالقى بۇدان بۇرىن دا تالاي قيىندىقتى باستان وتكەرگەن. تابيعاتتىڭ وسى جولعى توسىن سىناعى ولاردىڭ قاسىندا جەڭىلدەۋ كورىنەدى. ەڭ باستىسى, جەرگىلىكتى حالىقتىڭ جۇيكەسىن جۇقارتقان جويقىن جەل قايتالانباسا بولعانى.
جامبىل وبلىسى
