وسىدان ءۇش جىل بۇرىن بەساعاش ەلدى مەكەنى ماڭىنان تاريحى مىڭجىلدىقتارمەن ساباقتاسىپ جاتقان كونە قازان تابىلعان بولاتىن. ەندى ءدال وسى اۋىلدىڭ ىرگەسىنەن 13 عاسىر بۇرىن قولدانىسقا ەنگىزىلگەن قولا تەڭگەنىڭ قولعا ءتۇسۋى تەگىن ەمەس.
بىلەتىندەر بەساعاش ەلدى مەكەنىن تاريحپەن تامىرلاس اۋىل دەگەندى العا تارتىپ وتىر. ول دا مۇمكىن. جيىرما عاسىردان استام تاريحى بار تاراز ماڭىنداعى اۋىلداردىڭ دەنى تامىرىن قوپارساڭ, مىڭجىلدىقتاردان سىر شەرتىپ تۇرسا كەرەك.
بەساعاش ەلدى مەكەنى تۇسىنان تاريحي جادىگەرلەر ءجيى تابىلادى. وتكەن جىلى ماماندار 46 مونەتا مەن قىش ىدىس سىنىقتارىن قولعا ءتۇسىرىپ, قۋانىشىمەن بولىسكەن ەدى.
ماماندار سول ماڭنان تابىلعان بارلىق مونەتانىڭ كاتالوگىن دايىنداعانى ءمالىم. مۇنى ءبىر عانا قالاشىقتاعى اۋىز تولتىرىپ ايتارلىقتاي تابىس, ولجا دەپ ايتۋعا ابدەن نەگىز بار. عىلىم ءۇشىن دە ايتارلىقتاي جاڭالىق.
مۇندا وزگە دە سۇيەكتەن, نەفريتتەن دايىندالعان اشەكەي بۇيىمدار بارشىلىق. بۇلاردىڭ بارلىعى قازىرگى تاڭدا مۋزەيلىك قۇندى جادىگەرگە اينالىپ وتىرعانىنا ەشكىمنىڭ تالاسى جوق شىعار. ۇزىن سانى 150 جادىگەر بار. بۇنىڭ ءبارى عىلىمنىڭ جەڭىسى دەۋگە ابدەن بولادى», دەيدى تاريحي-مادەني ەسكەرتكىشتەردى قورعاۋ جانە قالپىنا كەلتىرۋ ديرەكتسياسىنىڭ ديرەكتورى ساۋران قاليەۆ.
ماماندار بۇل كەزەڭدى اتلاح شايقاسى بولعان 751 جىلمەن ساباقتاستىرىپ وتىرعان كورىنەدى. ايتۋلارىنشا, قۇندى جادىگەرلەر قىتاي, اراب جانە تۇركىلەر اراسىندا شايقاس وتكەن ماڭايدان تابىلعان سەكىلدى.
جامبىل وبلىسى
