فوتو: ءسىم
50-دەن استام ەلدىڭ وكىلدەرى مەن قازاقستان تاۋ-كەن كومپانيالارىنىڭ باسشىلارى قاتىسقان ءىس-شارادا اقش ۆيتسە-پرەزيدەنتى دجەي دي ۆەنس ءسوز سويلەدى.
ءىس-شارا بارىسىندا ماڭىزدى پايدالى قازبالاردىڭ جاھاندىق جەتكىزۋ تىزبەكتەرىن ءارتاراپتاندىرۋ جانە نىعايتۋ, سونداي-اق ولاردى ءوندىرۋ, وڭدەۋ جانە لوگيستيكا سالالارىنداعى حالىقارالىق ىنتىماقتاستىقتى دامىتۋ ماسەلەلەرى بويىنشا پىكىر الماسۋ ءوتتى.
قازاقستان الەمنىڭ 70-تەن اسا ەلىنە اۋىل شارۋاشىلىعى ونىمدەرىن ەكسپورتتايدى
وتىرىستىڭ شەڭبەرىندە ە.كوشەرباەۆ قاتىسۋشىلاردى ماڭىزدى مينەرالدار سالاسىنداعى قازاقستاننىڭ الەۋەتى جانە ەلدىڭ سەنىمدى ءارى تۇراقتى جاھاندىق جەتكىزۋ تىزبەكتەرىن قالىپتاستىرۋعا پراكتيكالىق ۇلەس قوسۋعا دايىندىعى تۋرالى حاباردار ەتتى. ول قازاقستاننىڭ مينەرالدىق-شيكىزاتتىق رەسۋرستارىنىڭ اۋقىمدى قورىنا, ولاردى وڭدەۋ بويىنشا دامىعان ونەركاسىپتىك بازاسىنا, زاماناۋي ينفراقۇرىلىمىنا, تۇراقتى ساياسي جۇيەسىنە جانە بولجامدى رەتتەۋشى ورتاعا يە ەكەنىن اتاپ ءوتتى.
قازاقستان گەولوگيالىق قىزمەتىنىڭ (USGS) تىزبەسىنە ەنگىزىلگەن 60 ماڭىزدى مينەرالدىڭ 20-سى بويىنشا دايىن ءونىم تۇرىندە جەتكىزىلىمدەردى قامتاماسىز ەتۋگە قابىلەتتى ەكەنى اتالىپ ءوتتى, بۇل ونىمدەر – الەمدىك ەكونوميكانىڭ ستراتەگيالىق سالالارىندا جوعارى سۇرانىسقا يە.
قازاقستان مەن اقش اراسىندا ماڭىزدى مينەرالدار سالاسىنداعى ىنتىماقتاستىق تۋرالى مەموراندۋمدى ىسكە اسىرۋعا ەرەكشە نازار اۋدارىلدى. اتالعان قۇجات مەملەكەت باسشىسىنىڭ 2025 جىلعى قاراشادا ۆاشينگتونعا جاساعان ساپارىنىڭ قورىتىندىسى بويىنشا قول قويىلعان جانە ورتالىق ازياداعى وسىنداي فورماتتاعى العاشقى كەلىسىم. مەموراندۋم قازاقستان اۋماعىندا وڭدەۋ قۋاتتارىن دامىتۋ, تەحنولوگيالار ترانسفەرتى جانە وتاندىق ءونىمنىڭ اقش نارىعىنا قولجەتىمدىلىگىن كەڭەيتۋدى كوزدەيدى.
كونفەرەنتسياعا G7 ەلدەرى مەن Pax Silica باستاماسىنا قاتىسۋشى مەملەكەتتەردىڭ سىرتقى ساياسي ۆەدومستۆولارى مەن سالالىق قۇرىلىمدارىنىڭ 30-دان استام باسشىلارى, سونداي-اق جەتەكشى حالىقارالىق كومپانيالاردىڭ وكىلدەرى قاتىستى.
ابزال نارىمبەتوۆ: مۇناي ەكسپورتتايتىن بالاما باعىتتاردى دامىتپاعانىمىز تاريحي قاتەلىك بولدى
