بۇگىن استانا قالاسىنداعى «قازمەديا» ورتالىعىندا وليمپيادا ويىندارىنىڭ تەلەترانسلياتسياسىنا ارنالعان رەسمي تانىستىرىلىم ءوتتى. ءىس-شاراعا مادەنيەت جانە اقپارات مينيسترلىگى مەن تۋريزم جانە سپورت مينيسترلىگىنىڭ وكىلدەرى, تانىمال سپورتشىلار مەن سالا ارداگەرلەرى, سپورت جۋرناليستەرى, سونداي-اق ويىنداردى جۇرگىزەتىن كوممەنتاتورلار قاتىستى.
قىسقى وليمپيادا ويىندارىنىڭ جۇلدەگەرى, قازاقستان تاريحىنداعى قىسقى وليمپيادادا التىن مەدال يەلەنگەن تۇڭعىش سپورتشى ۆلاديمير سميرنوۆ بايلانىسقا شىعىپ, ۇلتتىق قۇراما مۇشەلەرىنە ساتتىلىك تىلەپ, ولارعا زور سەنىم ارتاتىنىن اتاپ ءوتتى.
پرەزيدەنت قىسقى وليمپياداعا قاتىساتىن ۇلتتىق قۇراما مۇشەلەرىنە مەملەكەتتىك تۋدى تاپسىردى
سونىمەن قاتار ەلورداداعى قىسقى سپورت تۇرلەرىنە ماماندانعان سپورت كەشەندەرىنەن تىكەلەي قوسىلىمدار ۇيىمداستىرىلىپ, شورت-ترەك, مانەرلەپ سىرعاناۋ جانە بياتلون سپورت تۇرلەرى بويىنشا جاتتىعاتىن سپورتشىلارمەن سۇحباتتار جۇرگىزىلدى. ءىس-شارا سوڭىندا وليمپيادا ويىندارىنا قاتىساتىن سپورتشىلار تىكەلەي ەفيرگە قوسىلىپ, ءوز پىكىرلەرى مەن دايىندىق بارىسى تۋرالى وي ءبولىستى.
بايراقتى باسەكەنىڭ تەلەترانسلياتسياسى رەسمي اشىلۋ سالتاناتىنان ەكى كۇن بۇرىن باستالادى. العاشقى بولىپ حوككەيدەن ايەلدەر قۇرامالارى مەن كەرلينگ سپورتشىلارى جارىس جولىنا شىعادى. يتالياداعى دودادا ەلىمىزدىڭ اتىنان 10 سپورت تۇرىنەن 36 سپورتشى ەل نامىسىن قورعايدى.
قىسقى وليمپيادا ويىندارىنىڭ اشىلۋ سالتاناتى 6 اقپان كۇنى ساعات 00:00-دە Qazaqstan جانە Qazsport تەلەارنالارى ارقىلى تىكەلەي ەفيردە كورسەتىلەدى.
ەكى تەلەارنانىڭ ەفيرىندە وليمپيادا ويىندارىن 22 كوممەنتاتور جۇرگىزەدى. ولاردىڭ قاتارىندا ەسەي جەڭىس ۇلى, سەرگەي رايليان, رۋسلان باقىتجان, ەرسىن ەرىك ۇلى, ازات سماعۇلوۆ, ليليانا ءالجانوۆا جانە وزگە دە كوممەنتاتورلار بار.
ەل سپورتشىلارى قىسقى وليمپيادا ويىندارىندا قانداي كيىم ۇلگىسىمەن ونەر كورسەتەدى؟
سونداي-اق Qazaqstan جانە Qazsport تەلەارنالارىنان كۇن سايىن «وليمپيادا ويىندارىنىڭ شولۋى» باعدارلاماسى, ال Qazsport ارناسىنان تىكەلەي ەفيردە «ميلان–كورتينا-2026» ستۋديالىق باعدارلاماسى كورەرمەنگە جول تارتادى.
