فوتو: birdnet.cornell.edu
قۇستاردىڭ ءار تۇرىنە ءتان ەرەكشە دىبىسى بار. وسى «اكۋستيكالىق قولتاڭبا» ارقىلى ولاردى كوزگە كورىنبەي-اق انىقتاۋعا بولادى. بۇل اسىرەسە تۇندە قونىس اۋداراتىن قۇستاردى زەرتتەۋ ءۇشىن وتە ماڭىزدى. دىبىستىق جازبالاردى تالداۋدا جاساندى ينتەللەكتىنىڭ قولدانىلۋى مىڭداعان ساعاتتىق اۋديونى جىلدام وڭدەپ, قۇس تۇرلەرىن جوعارى دالدىكپەن ايقىنداۋعا جول اشتى. اقش-تىڭ كورنەلل ورنيتولوگيا زەرتحاناسى مەن نيۋ-يورك ۋنيۆەرسيتەتى بىرلەسىپ دايىنداعان AI نەگىزىندەگى BirdVoxDetect جانە BirdNET سەكىلدى جۇيەلەر جىل قۇستارىن زەرتتەۋدىڭ جاڭا قۇرالدارىنا اينالدى. BirdVoxDetect تۇنگى ۇشۋ كەزىندەگى قۇس ۇندەرىن شۋلى ورتادا دا انىقتاي الادى. ال BirdNET سمارتفون ارقىلى قۇستاردىڭ دىبىسىن جازىپ, ءتۇرىن بىردەن تانۋعا مۇمكىندىك بەرەدى. 2024 جىلعى Global Big Day شاراسىندا بۇل قوسىمشا 900-دەن استام قۇس ءتۇرىن ناقتى ۋاقىت رەجيمىندە انىقتاۋعا كومەكتەستى.
TikTok جۇلدىزى حابي لەيم ءوزىنىڭ جي-سىڭارىن 975 ميلليون دوللارعا ساتتى
جاساندى ينتەللەكت تەك ءتۇردى تانۋمەن شەكتەلمەي, كوشۋ باعىتتارىن, ايالداۋ نۇكتەلەرىن جانە قۇستاردىڭ سانى مەن بيوماسساسىن انىقتاۋعا مۇمكىندىك بەرىپ وتىر. مۇنداي دەرەكتەر تابيعاتتى قورعاۋ ىسىندە اسا قۇندى. ولار سيرەك كەزدەسەتىن مەكەندەردى ساقتاۋعا, قورعالاتىن اۋماقتاردى ءتيىمدى جوسپارلاۋعا جانە ەكولوگيالىق ساياساتتى عىلىمي نەگىزدەۋگە جاعداي جاسايدى.
جوعارى بىلىمگە جي-ءدى ەنگىزۋ نەنى وزگەرتەدى؟
مامانداردىڭ ايتۋىنشا, جاساندى ينتەللەكت قۇستاردى زەرتتەۋدىڭ بولاشاعىن ايقىندايدى. بۇل تەحنولوگيا تابيعاتتىڭ نازىك تەپە-تەڭدىگىن ساقتاۋعا باعىتتالعان عىلىمي ىزدەنىستەرگە جاڭا سەرپىن بەرىپ, ادام مەن قورشاعان ورتا اراسىنداعى جاۋاپكەرشىلىكتى تەرەڭ سەزىنۋگە جەتەلەيدى.
