سۋرەت: kaztag.kz
ەنەرگەتيكا ءمينيسترىنىڭ ورىنباسارى قايىرحان تۇتقىشباەۆتىڭ دەرەگىنە سۇيەنسەك, بيىل قاڭتار ايىنا جوسپارعا سايكەس ءوڭىر قاجەتتىلىگىنە 7 110 توننا سۇيىتىلعان مۇناي گازى ءبولىنىپتى. الايدا وبلىستىڭ اي سايىنعى ناقتى سۇرانىسى – 9 مىڭ توننا. تاپشىلىق دەڭگەيى 21%-عا جەتىپ وتىر. وسىعان بايلانىستى جەرگىلىكتى اكىمدىك مينيسترلىكتەن قوسىمشا ءۇش مىڭ توننا گاز سۇراعان ەدى. بىراق مينيسترلىك تاراپىنان بۇل سۇرانىس تولىق قامتىلماي, قوسىمشا 1500 توننا گاز ءبولىنىپتى.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باس مامانى انار احمەتوۆانىڭ ايتۋىنشا, ەنەرگەتيكا مينيسترلىگىنىڭ جوسپارىنا سايكەس الداعى ايلاردا بەرىلەتىن گاز كولەمى ەداۋىر ازايىپتى. ماسەلەن, اقپان ايىنا 6 667 توننا, ناۋرىز ايىنا 6 910 توننا سۇيىتىلعان مۇناي گازىن بەرۋ قاراستىرىلىپ وتىر.
ءماجىلىس دەپۋتاتى دۇيسەنباي تۇرعانوۆتىڭ پىكىرىنشە, الداعى ايلارعا جوسپارلانعان كولەمى اي سايىنعى سۇرانىس كورسەتكىشىنەن ايتارلىقتاي تومەن. دەمەك جاقىن ايلاردا گاز تاپشىلىعىنىڭ قايتالانۋ قاۋپى بار. «مۇناي مەن گاز وندىرىلەتىن اتىراۋ وبلىسىندا مۇنداي جايت بولماۋعا ءتيىس», دەيدى دەپۋتات.
اتىراۋ وبلىسى
