كەزدەسۋ نەگىزگى زاڭعا سالماقتى كوزقاراسپەن قاراپ, ورتاق پارتيالىق ۇستانىمدى قالىپتاستىرۋعا ارنالعان اشىق ديالوگ الاڭىنا اينالدى.
وتىرىستى اشقان پارتيا توراعاسى ايداربەك قوجانازاروۆ ۇسىنىلىپ وتىرعان قۇجاتتى مەملەكەتتىڭ دامۋى ءۇشىن ساپالىق تۇرعىدان جاڭا كەزەڭ دەپ باعالاپ, تالقىلاۋدىڭ باعىتىن ايقىندادى.
«بۇگىن ءبىز مازمۇنى تەرەڭ, ءمانى بولەك قۇجاتتى تالقىلاپ وتىرمىز. جاڭا كونستيتۋتسيا - مەملەكەت پەن ازامات اراسىنداعى جاڭارتىلعان قوعامدىق كەلىسىم», دەدى ول.
توراعا قۇجاتتا ۋنيتارلى قۇرىلىم مەن اۋماقتىق تۇتاستىقتىڭ مىزعىماي ساقتالعانىن ەرەكشە اتاپ ءوتتى. سونىمەن قاتار جاڭا جوبانىڭ وزەگىندە ادامعا باعىتتالعان, ازاماتتىڭ قۇقىعى مەن قادىرىن الدىڭعى ورىنعا قوياتىن كوزقاراس بار ەكەنىن ايتتى.
قازاقستان حالىق پارتياسىنىڭ فراكتسياسى ەلدەگى كونستيتۋتسيالىق رەفورمانى قولدادى
«Respublica ءۇشىن بۇل – قاعيدا. ءبىز مەملەكەت ادام ءۇشىن قىزمەت ەتۋى كەرەك دەپ ەسەپتەيمىز», دەپ تۇيىندەدى ايداربەك قوجانازاروۆ.
وڭىرلىك پارتيا جەتەكشىلەرى رەفورمانىڭ پراكتيكالىق قىرلارىنا توقتالدى. قاراعاندى وبلىستىق فيليالىنىڭ توراعاسى نۇرلان اۋباكىروۆ عىلىم مەن يننوۆاتسيانىڭ كونستيتۋتسيادا بەكىتىلۋى جوعارى تەحنولوگيالى ەكونوميكاعا ءوتۋدىڭ بەرىك نەگىزى ەكەنىن اتاپ ءوتتى.
«قاراعاندى وڭىرىندەگى بيزنەس قاۋىمداستىق پەن ازاماتتىق قوعام جاڭا كونستيتۋتسيا جوباسىن قولدايدى. ءبىز بۇل رەفورمانى الەۋمەتتىك ادىلەتتىلىكتىڭ تىرەگى, مەملەكەتكە دەگەن سەنىمدى نىعايتاتىن جانە ۇزاق مەرزىمدى ەكونوميكالىق تۇراقتىلىقتىڭ قۇرالى دەپ كورەمىز», دەدى ول.
سونداي-اق ءبىر پالاتالى قۇرىلتايدى قالىپتاستىرۋدا ساياسي پارتيالاردىڭ ءرولىن كۇشەيتۋدىڭ ماڭىزىن اتاپ ءوتتى.
جالپىۇلتتىق سوتسيال-دەموكراتيالىق پارتيا اتا زاڭنىڭ جاڭا جوباسىن تالقىلادى
Re.Women ايەلدەر قاۋىمداستىعى مەن ReJastary جاستار قوزعالىسىنىڭ وكىلدەرى رەفورمانى ازاماتتىق قاتىسۋدى كەڭەيتەتىن ناقتى تەتىك رەتىندە قولدايتىندارىن ءبىلدىردى. اتىراۋ وبلىسىنداعى Re.Women قاۋىمداستىعىنىڭ ءتورايىمى گۇلناز كارىمجان قوعامدىق ديالوگتى كەڭەيتۋ مەن حالىق كەڭەسى سەكىلدى ينستيتۋتتاردىڭ ەنگىزىلۋى اشىقتىق پەن ادىلەت قاعيداتتارىنا ساي كەلەتىنىن ايتتى.
«Re.Women قاۋىمداستىعى جاڭا كونستيتۋتسيا جوباسىن قولدايدى. بۇل قۇجات ەل دامۋىنا جاڭا سەرپىن بەرەدى دەپ سەنەمىز», دەدى ول.
شىعىس قازاقستان وبلىسىنداعى ReJastary ۇيلەستىرۋشىسى جىگەر سارسەنباەۆ كونستيتۋتسيادا بەكىتىلگەن «ادىلەتتى قازاقستان» جانە «زاڭ مەن ءتارتىپ» قاعيداتتارى جاستاردىڭ الەۋەتىن ىسكە اسىرۋعا جانە ەل ومىرىنە جاۋاپكەرشىلىكپەن ارالاسۋىنا نەگىز بولاتىنىن اتاپ ءوتتى.
«اۋىل» فراكتسياسىنىڭ دەپۋتاتتارى اتا زاڭ جوباسىن ءبىراۋىزدان قولدادى
«ادىلەتكە جانە قۇقىققا سۇيەنگەن مەملەكەت ەڭ الدىمەن جاس ۇرپاقتىڭ تاعدىرىن ايقىندايدى», دەدى جاستار قاۋىمداستىعىنىڭ وكىلى.
وتىرىستا سونداي-اق ءماجىلىس دەپۋتاتتارى, Respublica پارتياسى فراكتسياسىنىڭ مۇشەلەرى نۇرگۇل تاۋ, ولجاس قۇسپەكوۆ, ايتۋار قوشمامبەتوۆ, ەكاتەرينا سمولياكوۆا, ماڭعىستاۋ وبلىستىق فيليالىنىڭ توراعاسى نۇرجىگىت حايرۋللاەۆ, پاۆلودار وبلىستىق فيليالىنىڭ توراعاسى امانگەلدى ماحانبەت, استانا قالالىق فيليالىنىڭ توراعاسى شىڭعىس تۇسىپباەۆ ءسوز سويلەپ, ۇسىنىلىپ وتىرعان وزگەرىستەر اياسىندا ۇلتتىق بىرلىكتى نىعايتۋ مەن جەرگىلىكتى ءوزىن-ءوزى باسقارۋدىڭ ءرولىن ارتتىرۋدىڭ ماڭىزىن وڭىرلىك تۇرعىدا باياندادى.
تالقىلاۋ قورىتىندىسىندا ورتاق ءارى ايقىن شەشىم قابىلداندى: Respublica پارتياسى قازاقستان رەسپۋبليكاسىنىڭ جاڭا كونستيتۋتسياسى جوباسىن قولدايدى. قاتىسۋشىلار بۇل قۇجاتتى ازاماتتاردىڭ ءال-اۋقاتىنا باعىتتالعان, ادىلەتتى ءارى بەرىك مەملەكەت قۇرۋدىڭ نەگىزى دەپ باعالادى. پارتيا الداعى جالپىۇلتتىق تالقىلاۋعا بەلسەندى قاتىسۋعا دايىن ەكەنىن ءبىلدىرىپ, بارشا ازاماتتاردى ەلدىڭ بولاشاق نەگىزگى زاڭىن قالىپتاستىرۋعا اتسالىسۋعا شاقىردى.
