فوتو Pexels.com
كلۋبتاردىڭ ترانسفەرلىك وتەماقىلارعا جۇمساعان جالپى شىعىنى تاريحتا العاش رەت 10 ملرد دوللاردان اسىپ, 13,11 ملرد دوللاردى قۇرادى. بۇل 2024 جىلمەن سالىستىرعاندا 50%-دان استام جوعارى, ال 2023 جىلعى رەكوردتان 35,6%-عا كوپ.
ەرلەر اراسىنداعى كاسىبي فۋتبولدا ترانسفەرلىك شىعىندار مەن تابىس بويىنشا انگليالىق كلۋبتار كوش باستاپ تۇر. ولار ويىنشىلاردى ساتىپ الۋعا 3,82 ملرد دوللار جۇمساپ, ساتىلىمنان 1,77 ملرد دوللار تابىس تاپتى. ال ترانسفەر وپەراتسيالارىنىڭ سانى بويىنشا برازيليا كلۋبتارى ءبىرىنشى ورىنعا شىقتى – 1 190 كىرىس جانە 1 005 شىعىس ترانسفەر.
جاڭادان كەلگەن ويىنشىلار ءۇشىن ترانسفەرلىك وتەماقى تولەگەن كلۋبتاردىڭ سانى رەكوردتىق 1 214-كە جەتتى. سونداي-اق ويىنشىلاردى ساتۋ ارقىلى تابىس تاپقان كلۋبتار سانى بويىنشا دا جاڭا ماكسيمۋم ورناتىلدى – 1 495 كلۋب.
ايەلدەر فۋتبولىندا دا قارقىندى ءوسىم بايقالادى. 2025 جىلى ايەلدەر اراسىنداعى كاسىبي فۋتبولداعى ترانسفەر شىعىندارى 28,6 ملن دوللارعا جەتىپ, ءبىر جىلدا 80%-دان استام ارتتى. كاسىبي فۋتبولشى ايەلدەردىڭ 2 440 حالىقارالىق ترانسفەرى تىركەلدى, بۇل 2024 جىلمەن سالىستىرعاندا 6,3%-عا كوپ.
اۋەسقوي فۋتبولدا 2025 جىلى 59 162 حالىقارالىق اۋىسىم راسىمدەلدى (جىلدىق ءوسىم – 9,4%). اسىرەسە گەرمانيا كلۋبتارى اۋەسقوي ويىنشىلاردى قابىلداۋ بويىنشا كوش باستادى (7 041 ويىنشى).
Global Transfer Report 2025 ەسەبىندە ترانسفەرلىك تولەمدەر, كەلىسىمشارت پەن ويىنشىلاردىڭ سيپاتتامالارى بويىنشا كەڭەيتىلگەن تالداۋ, سونداي-اق سەلەكتسيا جانە قىسقا مەرزىمدى جاتتىعۋ تاعىلىمدامالارىنا ارنالعان جەكە ءبولىم بار. ەسەپ فيفا-نىڭ ينتەراكتيۆتى ونلاين-پلاتفورماسىمەن بىرگە جاريالاندى.
