ەلۆيرا ءازىموۆا كوميسسيانىڭ وسىعان دەيىن وتكەن وتىرىستارىنداعى تالقىلاۋ بارىسىندا كونستيتۋتسيانىڭ تۇبەگەيلى جاڭا ءماتىنى ازىرلەنگەنىن باياندادى.
كوميسسيا مۇشەلەرى جاڭا پرەامبۋلانىڭ, بىرقاتار باپتار مەن بولىمدەردىڭ مازمۇنى تۇتاس كونستيتۋتسيالىق مودەلدى ايتارلىقتاي جاڭعىرتۋعا, ساياسي جانە قوعامدىق ينستيتۋتتاردى جەتىلدىرۋگە, ازاماتتاردىڭ قۇقىقتارى مەن بوستاندىقتارىن قورعاۋ تەتىكتەرىن كۇشەيتۋگە نەگىز بولاتىنىن اتاپ ءوتتى.
وسىعان بايلانىستى كوميسسيا مۇشەلەرى اتالعان جوبانى كونستيتۋتسيانىڭ جاڭا نۇسقاسى رەتىندە قاراستىرۋ جانە ونى حالىقتىڭ نازارىنا ۇسىنۋ ءۇشىن جاريالاۋ قاجەت ەكەنىن جەتكىزدى.
ءوز كەزەگىندە كونستيتۋتسيالىق كوميسسيا جاڭا اتا زاڭنىڭ جوباسى بويىنشا جۇمىستاردى جالعاستىرا بەرەدى.
پرەزيدەنتتىڭ پىكىرىنشە, كونستيتۋتسيالىق كوميسسيا اۋقىمدى جۇمىس اتقارعان. مەملەكەت باسشىسى كونستيتۋتسيانىڭ جاڭا نۇسقاسىن حالىقتىڭ قاراۋىنا شىعارۋ ماڭىزدى ەكەنىن ايتتى.
كەزدەسۋ سوڭىندا پرەزيدەنت جاڭا كونستيتۋتسيا تۋرالى تۇپكىلىكتى شەشىمدى قازاقستاندىقتار رەسپۋبليكالىق رەفەرەندۋمدا قابىلدايتىنىن تاعى دا اتاپ ءوتتى.
