فوتو: Azattyq Rýhy
وسى كەزەڭنەن باستاپ ۆولونتەرلىك ينفراقۇرىلىمى مەن باعدارلامالىق قولداۋى بار مەملەكەتتىك ساياساتتىڭ جەكە باعىتى رەتىندە دامىپ كەلەدى.
ماسەلەن, بۇگىندە بۇكىل ەل بويىنشا ۇلتتىق فرونت-وفيس جانە 20 وڭىرلىك ۆولونتەرلەر فرونت-ءوفيسى جۇمىس ىستەيدى, سونداي-اق Qazvolunteer.kz ۇلتتىق ونلاين-پلاتفورماسى قولدانىلادى.
2025 جىلى بەلسەندى ۆولونتەرلەر سانى 300 مىڭعا جۋىقتادى, ولاردىڭ قاتارىندا 6 مىڭعا جۋىق «كۇمىس» ۆولونتەرلەر مەن 810-نان استام ۆولونتەرلىك ۇيىمدار بار. نەگىزگى باعىتتارعا قارتتار مەن جالعىزباستى ادامدارعا كومەكتەسۋ, قيىن ومىرلىك جاعدايدا قالعان ادامداردى قولداۋ, ەكولوگيالىق ۆولونتەرلىك جانە توتەنشە جاعدايلاردى جويۋعا قاتىسۋ كىرەدى.
«يگى ىستەر مارافونى» جوباسى اياسىندا 2025 جىلى ەل ازاماتتارى 9 مىڭنان استام يگى ءىس جاسادى, ال قاتىسۋشىلار سانى 40 مىڭ ادامعا جەتتى. سونىمەن قاتار, ەلىمىزدە 56 ۆولونتەرلىك جوبا ىسكە اسىرىلىپ جاتىر, سونداي-اق جەرگىلىكتى جەرلەردە باستامالاردى دامىتۋ ءۇشىن 60 شاعىن گرانت بەرىلدى.
مەملەكەت باسشىسى: كونستيتۋتسياعا وزگەرىس ەنگىزۋ كەرەك بولسا, تەك رەفەرەندۋم ارقىلى جاساۋعا بولادى
قازاقستان ۆولونتەرلىك سالاسىنداعى حالىقارالىق ىنتىماقتاستىقتى كەڭەيتىپ جاتىر
حالىقارالىق باعىت قازاقستاندا ۆولونتەرلىك قوزعالىستى دامىتۋدىڭ ماڭىزدى بولىگىنە اينالىپ كەلەدى. حالىقارالىق ىنتىماقتاستىق اياسىندا ەكى ەل ۆولونتەرى بۇۇ وڭىرلىك حاتشىلىقتارىنا جىبەرىلدى, تاعى جەتى ەرىكتى كەنيا, تۇركيا جانە تايلاندتا تولىق قارجىلاندىرۋ باعدارلاماسى بويىنشا شەتەلدە جۇمىسىن جالعاستىرىپ جاتىر.
سونىمەن قاتار, پرەزيدەنتتىڭ باستاماسىمەن تمد ۇكىمەت باسشىلارى كەڭەسىنىڭ شەشىمىمەن جىل سايىنعى دوستاستىق ەرىكتىلەرىنىڭ فورۋمى قۇرىلدى, ونىڭ ءبىرىنشىسى 2026 جىلى استانادا وتەدى.
توتەنشە جاعدايلار كەزىندە ۆولونتەرلىك كومەك جۇيەسى نىعايتىلادى
سونىمەن قاتار, پرەزيدەنتتىڭ باستاماسىمەن 2020 جىلدان باستاپ جىل سايىن وتكىزىلەتىن «جىل ۆولونتەرى» حالىقارالىق سىيلىعى بەلگىلەندى. وسى ۋاقىت ىشىندە قازاقستان مەن شەت ەلدەردەن 297 ادام سىيلىق لاۋرەاتتارى اتاندى.
ايتا كەتەيىك, بۇگىن قاسىم-جومارت توقاەۆ ۆولونتەرلەر فورۋمىندا ءسوز سويلەپ, سىن ساعاتتا بەلسەندى جۇمىس ىستەيتىن ەرىكتىلەردىڭ جۇمىسىن جوعارى باعالادى.
