فوتو: اشىق دەرەككوز
تەگىن ولجاعا كوزدەرى قىزىققان ءۇش ادام «كوكشەتاۋ» ۇلتتىق مەملەكەتتىك تابيعي پاركىنىڭ اۋماعىندا, ناقتىراق ايتساق, زەرەندى فيليالىندا ءۇش ءسىبىر ەلىگىن اتىپ العان. تاياۋدا تابيعاتتىڭ يەن بايلىعىن تەگىن ولجا كورگەن براكونەرلەرگە جازا كەسىلدى. اۋەلى زاڭسىز اۋلاعاندار وزدەرىنىڭ كىناسىزدىگىن ايتىپ اقتالعانىمەن, بارلىق دەرەك پەن دايەك بۇلتارتپادى. زەرەندى اۋدانىنىڭ پروكۋرورلارى براكونەرلەردىڭ قىلمىسىن دالەلدەدى.
ناتيجەسىندە زاڭسىز اڭشىلىقتى ۇيىمداستىرۋشى 6 جىلعا, ەكى قاتىسۋشى 2 جىل 8 ايعا تۇرمەگە توعىتىلدى. ولاردىڭ اڭشىلىققا پايدالانعان كولىگى مەملەكەتتىك ەسەبىنە الىندى.
قازاقستاندا براكونەرلەردەن مىڭنان استام كيىك ءمۇيىزى تاركىلەندى
وبلىستىق پروكۋراتۋرانىڭ مالىمەتىنشە, زەرەندى اۋدانىندا وسىنداي كەلەڭسىز وقيعا ەكىنشى رەت قايتالانىپ وتىر ەكەن. وتكەن جىلى 11 قىلمىستىق ءىس قارالىپتى. زاڭسىز اڭ جانە بالىق اۋلاعان 400 ادام جاۋاپقا تارتىلعان. تابيعاتقا كەلتىرىلگەن زيان شامامەن 8,5 ميلليون تەڭگە.
اقمولا وبلىسى
