فوتو: gov.kz
بۇل تۋرالى سەناتتا وتكەن بريفينگ بارىسىندا ۇلتتىق بانك توراعاسىنىڭ ورىنباسارى ءاليا مولدابەكوۆا مالىمدەدى. ونىڭ ايتۋىنشا, زاڭناماعا سايكەس ءۇشىنشى تولەم 2026 جىلدىڭ 1 اقپانىنان كەشىكتىرىلمەي جۇرگىزىلۋى ءتيىس. الايدا بۇل كۇن جەكسەنبىگە سايكەس كەلگەندىكتەن, قارجىنى اۋدارۋ مەرزىمى العا جىلجىتىلعان.
«تولەم سوماسى بەلگىلى. ءار بالاعا شامامەن 130 دوللاردان تۇسەدى», دەدى ءاليا مولدابەكوۆا سەناتتاعى بريفينگتە.
باعدارلاما اياسىندا بۇعان دەيىن دە بالالاردىڭ ەسەپشوتىنا قاراجات اۋدارىلعان. 2024 جىلى ءار بالاعا 100,52 دوللار, 2025 جىلى 129,38 دوللاردان ەسەپتەلدى. ينۆەستيتسيالىق تابىستى قوسا العاندا, ءۇش جىل قاتارىنان تولەم الىپ كەلە جاتقان بالالاردىڭ جيناعىندا شامامەن 370 دوللار بولادى.
«بالالار كامەلەت جاسىنا جەتكەنگە دەيىن بۇل قاراجات بوس جاتپايدى, ول ينۆەستيتسيالانادى. سوندىقتان باعدارلاماعا ءۇش جىل قاتارىنان قاتىسقان بالالاردىڭ ەسەپشوتىندا ينۆەستيتسيالىق كىرىستى ەسكەرە وتىرىپ, شامامەن 370 دوللار جينالادى», دەپ ناقتىلادى ۇلتتىق بانك توراعاسىنىڭ ورىنباسارى.
78 مىڭنان اسا بالا «ۇلتتىق قوردان» تۇسكەن قارجىعا وقۋ اقىسىن تولەگەن
مامانداردىڭ ايتۋىنشا, جىل سايىنعى تولەم كولەمى ۇلتتىق قوردىڭ ۆاليۋتالىق اكتيۆتەرىنە جانە ونىڭ ينۆەستيتسيالىق تابىسىنا تىكەلەي بايلانىستى. بالالارعا ارنالعان قاراجات ۇلتتىق قوردىڭ ۇزاقمەرزىمدى ينۆەستيتسيالىق كىرىسىنىڭ جارتىسى ەسەبىنەن قالىپتاستىرىلادى.
«ۇلتتىق قور – بالالارعا»: تولەمدەر كوبىنە قانداي ماقساتتارعا جۇمسالىپ جاتىر؟
ايتا كەتەيىك, «ۇلتتىق قور – بالالارعا» باعدارلاماسى ەلىمىزدە كامەلەت جاسىنا تولماعان بارلىق بالاعا ارنالعان ۇزاقمەرزىمدى قارجىلىق قولداۋ تەتىگى رەتىندە جۇزەگە اسىرىلىپ كەلەدى.
